Земјотрес со јачина од 4,1 степен според Рихтеровата скала ја погоди италијанската област Молизе во текот на ноќта, по што голем број граѓани од претпазливост излегле на улиците.
Според податоците на Националниот институт за геофизика и вулканологија на Италија (INGV), земјотресот бил регистриран веднаш по полноќ, со епицентар во областа на општината Пичоне, во покраината Изернија, на границата со Абруцо и Лацио.
Потресот бил на длабочина од 10 километри, а траел неколку секунди. Бил почувствуван во поширокото подрачје на Изернија, како и во покраините Кјети, Л’Аквила и Казерта.
Засега нема информации за материјална штета или повредени лица.
Во истото подрачје, во 3:41 часот бил регистриран и втор земјотрес со јачина од 2,2 степени според Рихтеровата скала, на длабочина од девет километри.
