Земјотрес со јачина од 5,8 степени кај Филипините

Земјотрес со јачина од 5,8 степени според Рихтеровата скала денеска го погоди островот Минданао на Филипините, соопшти Германскиот истражувачки центар за геонауки (GFZ).

— реклама —

Според првичните информации, епицентарот на потресот бил во морето, на длабочина од 10 километри.

— реклама —

Филипинската сеизмолошка агенција информираше дека засега нема извештаи за материјална штета или повредени лица. Надлежните додаваат дека не се очекуваат ниту посилни последователни потреси.

— реклама —

Земјотресот бил почувствуван во делови од островот Минданао, но властите наведуваат дека нема опасност од цунами и дека ситуацијата се следи.