Жена е тешко повредена откако ја удрил гром во камп на хрватскиот остров Крк, додека носела чадор за сонце.
Според хрватскиот портал „24сата“, по ударот на громот жената веднаш била реанимирана од спасувач кој се нашол во непосредна близина. Потоа, со хеликоптер била пренесена во Клиничкиот болнички центар во Риека.
Таа е хоспитализирана и се наоѓа на Одделот за интензивна нега.
„Жената ја удри гром додека носеше чадор за сонце. Ја реанимираше спасувач кој се најде во близина. Хеликоптерот брзо пристигна и ја пренесе во Риека. Мислев дека е речиси невозможно гром да удри некого. Не можев да поверувам дека тоа се случи. За среќа, спасувачот беше во близина и ѝ помогна колку што можеше“, изјавил очевидец за „24сата“.
