Зголемена фреквенција на патиштата, нема подолги задржувања на границите

Сообраќајот на државните патишта во земјава се одвива непречено и по суви коловози, информираат од АМСМ.

— реклама —

Интензитетот на сообраќајот на патните правци надвор од градските средини е зголемен, додека на граничните премини од македонска страна во моментов нема подолги задржувања за влез и излез од државата.

— реклама —

Од АМСМ апелираат до возачите да ја приспособат брзината на движење според условите на патот, да ја почитуваат поставената сообраќајна сигнализација и да управуваат со зголемено внимание.

Посебна претпазливост се препорачува на патиштата низ котлините, речните долини и клисурите, каде постои можност од појава на одрони.

— реклама —

Како особено ризични се издвојуваат делниците Катланово – Велес, Маврово – Дебар – Струга, Виница – Берово и Кочани – Делчево.

Од АМСМ потсетуваат дека внимателното и одговорно возење е особено важно на делниците каде што може да има одрони или други непредвидливи услови на патот.