Доц. д-р Жан Митрев и тим специјалисти од областа на кардиологијата и кардиохирургијата ќе одржат бесплатен вебинар во живо посветен на аортната стеноза, нејзините симптоми, ризиците и современите можности за лекување.
Вебинарот, во организација на Клиничката болница „Жан Митрев“, ќе се одржи во понеделник, 14 септември 2026 година, со почеток во 11 часот.
Една од главните теми ќе биде навременото препознавање на аортната стеноза – стеснување на аортната валвула кое може подолг период да се развива без изразени симптоми, бидејќи срцето постепено се приспособува на намалениот проток на крв.
Токму затоа, симптоми како отежнато дишење, нелагодност или болка во градите, краткотрајно губење на свеста и необјаснет замор не треба автоматски да се припишуваат на возраста или физичката неактивност. Тие може да бидат предупредувачки знаци дека стеснувањето на валвулата веќе го оптоварува срцето.
На вебинарот ќе биде објаснето како настанува аортната стеноза, кои лица имаат зголемен ризик, зошто навременото поставување дијагноза е важно за зачувување на функцијата на срцето и кои се современите можности за лекување.
Покрај доц. д-р Жан Митрев, FETCS, специјалист по општа хирургија и супспецијалист по кардиоваскуларна хирургија, ќе учествуваат и д-р Никола Христов, FEBTCS, специјалист по општа хирургија и супспецијалист по кардиоваскуларна хирургија, д-р Вилма Ампова Соколов и д-р Енвер Идоски, специјалисти по интерна медицина и супспецијалисти по кардиологија, како и д-р Горазд Коњановски, специјализант по кардиохирургија.
Предвиден е и интерактивен дел во кој учесниците ќе можат директно да поставуваат прашања и да добијат стручни одговори од медицинскиот тим.
Учеството е бесплатно, а бројот на места е ограничен. Пријавувањето е достапно преку формуларот за регистрација на вебинарот
