жан митрев

Случајот против Жан Митрев почна од почеток

Две судијки поротнички во исто време си дадоа оставки од функцијата, ова е причината поради која предметот во кој докторот и сопственик на Клиниката, Жан Митрев е обвинет за измама на 283 пациенти да се врати од почеток.Основното јавно обвинителство – Скопје на 10 јануари 2023 година поднесе обвинителен акт против доктор Жан Митрев, како физичко лице и Обвинителен предлог против неговата болница, како правно лице, за продолжено кривично дело „измама“ од член 247 од Кривичниот законик. А за ова кривично дело „измама“ предвидената казна затвор е од една до 10 години.Од ОЈО тогаш рекоа дека дека се лекувале со методот на хемофилтрација за време на пандемијата со Ковид 19 и дека 283 луѓе се пријавиле со оштетно побарување, кои рекле дека се чувствуваат измамени и се приклучиле, но и дека имало и такви кои не сакале и рекле дека не сите се чувствуваат за оштетени.Никола Додевски, адвокатот на Жан Митрев, денеска кажа дека обвиненијата за измама на пациенти се апсурдни.На рочиштата се се враќа од почеток, па така ќе треба повторно да се сослушуваат и да дадат искази и сведоците.Обвинителството смета дека скапото лекување од ковид-19 во клиниката Жан Митрев било непријавена клиничка студија, односно наспроти домашните законодавство, клиничките студии не биле пријавени и одобрени од МАЛМЕД.Од Жан Митрев тврдатдека тоа се неточни наводи, насочени кон креирање на лажна слика во пошироката јавност за работата на болницата,, Жан Митрев”.

Македонија | пред 10 месеци

Изведена прва неврохируршка операција со микроскоп во Клиника Жан Митрев

Првата неврохируршка операција на Одделот за неврохирургија во Клиника Жан Митрев е изведена со врвен неврохируршки микроскоп, единствен во државата. Неврохируршкиот тим предводен од проф. д-р Владимир Рендевски, заедно со д-р Михаил Таушанов и останатите членови на интердисциплинарната медицинска екипа, успешно изведоа операција на ‘рбетниот столб на пациентка со огромни болки во кичмата и неподвижна десна нога.Со исклучителното ниво на визуелизација преку микроскопот чии оптички леќи ги пребојуваат туморите, беше обезбедена јасна дистинкција на болното од здравото ткиво, што овозможи искусниот тим со најмала инвазивност да ги отстранат сите тумори.Микроскопот од брендот Цајс модел Киево 900, е единствен во државата од ваков вид и со ваква примена. Со неговите врвни перформанси се овозможува висок степен на визуелна прецизност при оперативни зафати од разни патологии од доменот на неврохирургијата вклучувајќи и васкуларни заболувања како аневризми и онколошки заболувања односно карциноми. Во иднина ќе биде користен за интракранијални и кичмени операции за кои досега пациентите заминуваа најчесто надвор од државата.

Македонија | пред 1 година

Корумпиран албански олигарх стои зад сомнителната продажба на Жан Митрев клиниката, вели Левица

Додека граѓаните на Република Македонија преку донации молат за лекување во странство, нечовечната корумпирана власт на ДУИ-СДС оркестрираат криминално преземање на најголемата приватна болница во Македонија, вели Левица„Вчера преку манипулативни нарачани текстови во медиумите беше објавено за наводна продажба на Жан Митрев Клиниката на „холандски“ фонд. Но, податоците од холандскиот Трговски регистар покажуваат дека зад оваа сомнителна зделка стои Клодијан Алајбеу, албански олигарх со низа коруптивни скандали во Албанија, Косово, но и во африканскиот континент!Со цел да се скријат сомнежите за висока корупција и да се прикаже дека холандски фонд стои зад преземањето на клиниката Жан Митрев (која се гони кривично за измамничко профитерство), пред само еден месец Клодијан Алајбеу го има префрлено правното сопствеништво над холандската фирма, која ја купува Клиниката на холандска фондација-труст.Но, овој контроверзен лик го има задржано правото над сите приходи од холандската компанија и Жан Митрев Клиниката преку потврди издадени од холандската фондација.Клодијан Алајбеу, кој сега ќе профитира од маките на македонските граѓани и уништеното јавно здравство од троецот СДС-ДПМНЕ-ДУИ, се поврзува со случаи на перење пари и корупција во Албанија и Зимбабве, но и финансирање на терористички организации во Турција. Ова ги подгрева сомнежите дека случајот со Жан Митрев се процесуира со цел да се изнуди продажбата на клиниката на моќници кои стојат зад криминалните елити на ДУИ и СДС.Левица се залага за државно регулирање и ограничување на приватните болници и инвестирање во јавното здравство до кое бесплатен пристап и квалитетни услуги ќе имаат сите граѓани на Република Македонија, а не само богатите. Здравјето на граѓаните не смее да биде предмет на бизнис-интереси на поединци поврзани со олигархијата на власт“, се вели во соопштението.

Македонија | пред 2 години

Се продаваат мнозински удели на клиниката „Жан Митрев“

Холандски инвестициски фонд „Балкан алајанс хелткер Б.В.“ ќе стане мнозински сопственик на приватната здравствена установа – клиничка болница „Жан Митрев“ преку купопродажба на удели, објави МКД.мк. Комисијата за заштита на конкуренцијата објави известување за концентрација со која „Балкан алајанс хелткер Б.В.“ ќе стекне директна контрола над клиниката „Жан Митрев“.Комисијата утврди дека „предметната концентрација може да потпадне под одредбите на Законот за заштита на конкуренцијата. Сепак конечната одлука по ова прашање е резервирана.Целиот текст можете да го прочитате тука

Македонија | пред 2 години

Одбивањето на жалбата за одблокирање на сметките ја потврдува инструираноста на процесот и организираната хајка против клиниката, велат од Жан Митрев

Tоа што Советот на Апелациониот суд Скопје ја одби жалбата за деблокирање на сметките е свесно и намерно спречување на работата на Клиника Жан Митрев и натамошна реализација на намерата Клиниката да се доведе во позиција на неодржлива криза и да се спречи работата без ни малку одговорност за јавниот интерес што го има клиниката како здравствена организација, реагираат од Клиниката Жан Митрев, на денешната одлука на судот.Добивај вести на вибер„Токму заради јавниот интерес за пациентите и сите оние што имаат потреба од врвна медицинска нега, беше побарано деблокирање на сметката за клиниката да може да работи без притисокот во секојдневните обврски кон банките и добавувачите.Одбивањето на барањето за деблокирање на сметката зборува за организирана хајка и систематско инструираниот процес против клиниката и д-р Митрев со неосновано обвинение. Во постапката против врвниот македонски кардиохирург и Клиниката Жан Митрев посветени на спасување животи не постои пресумпција на невиност, туку организиран и систематски инструиран процес.Се надеваме дека во фокусот на сите што се посветени на мониторирање на нашиот правосуден систем ќе дојде на ред и врвниот јавен интерес, а тоа е оневозможување на конструирање на судски процеси со цел да се уништат успешни стручњаци и правни субјекти.Сепак и покрај блокираните сметки Клиника Жан Митрев секојдневно работи, прави сложени хируршки зафати и спасува животи на наши граѓани“ велат од клиниката.

Македонија | пред 2 години

(ВИДЕО) Членови на семејствата со транспаренти го пречекаа Жан Митрев пред Кривичен суд

Членови на семејствата кои се лекувале во клиниката „Жан Митрев“ денеска со транспаренти го пречекаа кардиохирургот за кого утрово во Кривичниот суд беше закажан нов почеток на судскиот процес против него и против неговата клиника за кривично дело „измама“.Како што објави телевија „Алсат“, членовите на семејствата носеле транспаренти на кои пишува „Нашиот роднина не умре од Ковид, туку од пропустите на Жан Митрев“, „Хемофилтрацијата ги удави нашите роднини, бараме одговорност“, „Профит на сметка на заразените со Ковид-19“.До медиумите веднаш стигна соопштение од клиниката „Жан Митрев“ со реакција дека против лекарот и неговата клиника се води инструиран процес и организирана хајка за неосновано обвинение.„Денешното рочиште и условите во кои се обвива покажува дека против д-р Жан Митрев и Клиниката Жан Митрев се води инструиран процес и организирана хајка за неосновано обвинение. Присуството на луѓе со транспаренти на денот на рочиштето чиј датум и време на одржување не беше јавно објавено, говори дека сѐ поврзано со овој процес е претходно организирано и се води според нечија агенда. Организирање на луѓе со транспарентни кои повикуваат на линч, создаваат атмосфера како се да е веќе решено, е најостро рушење на правдата и одземање на правото да се докаже невиноста и вистината. Ова не е правно оружје и на ваков начин се спречува вистината.Ако процесот против д-р Жан Митрев и Клиниката Жан Митрев е непристрасен, фер и без влијание, тогаш каде е презумцијата на невиност и зошто се води организирана хајка.Презумцијата на невиност како во секој случај но посебно во случајот со д-р Жан Митрев и Клиниката, што извршува општо-корисна функција за граѓаните и грижа за нивното здравје треба да биде сериозно и бескомпромисно почитувана.Досега се покажа дека обвинителството целиот процес го води со намера да наштети, а не со намера да докаже вина, затоа што и самите знаат дека вина не постои.И покрај сето тоа Клиника Жан Митрев и д-р Митрев, ја продолжуваат својата борба за правдата и за докажување невиност во овој инструиран процес и паралелно под целиот притисок продолжуваат да работат со своите пациенти, лекувањето и исполнување на својата хумана мисија“, се вели во соопштението.

Македонија | пред 2 години

Клиника Жан Митрев: Еден ден пред да отпочне судскиот процес донесено е решение да престанеме да работиме!

Клиниката Жан Митрев сака да ја информира јавноста дека на еден ден пред да отпочне судскиот процес, од страна на Кривичниот суд е донесено решение за определување на предлог мерки кои предвидуваат целосно блокирање на сметките на болницата.„Укажуваме дека со донесените мерки целосно се блокира работењето на болницата Жан Митрев, која е здравствена организација од јавен интерес.Клиниката Жан Митрев од денеска не е во можност да ги отплаќа обврските кон банките.Сакаме да ја информираме јавноста дека ќе направиме се што е во нашите можности и лекувањето на ниту еден пациент нема да биде доведено во прашање иако, постапките на Кривичниот суд, а на барање на обвинителството одат во поинаква насока односно бараат наше затворање.Се што баравме е фер судење во однос на лагите и невистините пласирани против нашата Клиника, а добивме „пресуда“ пред отпочнување на судскиот процес.Токму поради овој развој на настаните кој го очекувавме после седум месечната синхронизирано организирана хајка баравме од јавноста, како и од претставниците на меѓународната заедница во Македонија да се заинтересираат и да го следат судскиот процес.Очигледно дека нашите апели беа залудни бидејќи токму пред отпочнувањето на судскиот процесот сме сведоци на брутална блокада со нејасна позадина на Клиниката Жан Митрев.Образложението на Кривичниот суд дека се блокираат сметки на правни лица кои не се од интерес на клиниката е целосно неосновано. „ПЗУ Жан Митрев Струмица“ и „Битола“, не можат сами да ги покријат инвестициите и тие ги покрива матичната клиника во Скопје. Другиот правен субјект „Фила Фарм“ работи со позајмица за да може да ги исплаќа побарувањата на правниот субјект „ЛАБС“, кој е исто основан и поврзан со клиниката „Жан Митрев.“ Друштвата кои се наведени се формирани и се финансираат согласно законската регулатива во државата и истите се тесно поврзани со функционирањето на клиниката. Тие вработуваат голем број луѓе и истите се двојно пораснати во капитал.Потенцираме дека ваквото решение на Кривичниот суд е во спротивност со начелата на презумпција на невиност и создава неиздржлив притисок врз Клиниката Жан Митрев“, стои во соопштението од болницата..

Македонија | пред 2 години

Клиниката Жан Митрев ќе се приклучи кон обвинението за сопственикот на порталот ДоказМ

Клиника Жан Митрев ќе се приклучи на обвинението за сопственикот на порталот ДоказМ, Марјан Стаменковски како оштетена страна откако Основното јавно обвинителство охрабри и други евентуални оштетени од вакви кривични дела да ги пријават.„Клиниката се приклучува на обвинението поради изнесени бројни невистини за клиниката и за вработените, навредливи и деградирачки квалификации, вршење притисок и изнуда на рекет.Клучната информација која очекуваме да биде дел од предистражната постапка е дали постоела корелација меѓу објавите на порталот ДоказМ, со работата на истражителите на ЈО кои ја водат постапката против нас.Имено, како што веќе информиравме, во неколку наврати порталот ДоказМ објави информации базирани на предистражната постапка во кои ги најавуваше мерките против Клиниката Жан Митрев. ДоказМ во објавен текст на 15.11.2022 ја предвиде мерката блокирање на сметка и забрана за продажба на удели која ЈО ја направи три дена после објавата не текстот на 18.11.2022.Во текот на подолг период Клиниката Жан Митрев, д-р Митрев како и вработените во клиниката беа предмет на опортунизмот на Стаменковски при што на порталот ДоказМ беа објавувани текстови со лаги, неосновани и непоткрепени информации и со тоа беше нанесена штета на угледот и работата како на клиничката болница така и лично на поединци.Порталот ДоказМ, објавуваше интерни меил комуникации, пораки добиени од поранешен вработен кој сега работи во болницата Аџибадем Систина и кој отворено на социјалните мрежи им се закануваше на вработени во клиниката Жан Митрев. Оваа комуникација би требало да биде, исто така, предмет на предистражните дејствија.Стаменковски во своите текстови користеше бројни навредливи квалификации и со тоа влијаеше врз мислењето и перцепцијата на голем број читатели.Клиника Жан Митрев верува во транспарентност, во објективност, ги поддржува начелата на истражувачкото новинарство и посебно во слободата на говорот.Но, во објавите на порталот ДоказМ немаше ништо од новинарските принципи и од почитување на правото за изјаснување. Клиниката долго време бараше начин институционално да ја заштити работата на клиниката и своите вработени од ваквите напади. Ова е единствениот начин и затоа одлучи по повикот од Јавното обвинителство да се приклучи кон ова обвинение“, се вели во соопштението.

Македонија | пред 2 години

Жан Митрев: Сакаат да ме ликвидираат, во вистинска смисла на зборот

Доктор Жан Митрев во денешното гостување на Тв Телма изјави дека ова било планирано сценарио против него и истото се изведува до ден денес.„Јас само ги изложувам фактите, тоа цела јавност го знае. Тоа сите го знаат. Има органи кои сето тоа треба да го следат, кои треба да го истражуват и кои треба да го докажуват. Јас сум жртва во сето ова, планирано, со сценарио и се изведува до ден денес“, вели Жан Митрев.„Значи да субилимираме сметате дека еден од мотивите за тоа е дека можеби сте почнале преговори за продажба на удел од болницата, дали 51% или нешто, што можеби некого загрозува и дека на овој начин се обезвреднува болницата за да ви ја купат по поевтина цена доколку се уште ја продавате“, изјави водителката Снежана Лупевска Созен, на што Жан Митрев додаде:„Или да ме ликвидираат во вистинска смисла на зборот за да таа болница после може некој да ја преземе. Многу е јасно дека ако Жан Митрев не постои како личност дека и таа болница треба некој да ја преземе бидејќи таа има и свои кредити и свои начини на функционирање. Така да, зошто беше тој атак лично на мене. Како можеше јас 23 години да работам во оваа Македонија се изменија не знам колку влади и колку министри и колку чуда. Како можеше, никогаш не сум бил љубимец на медиумите, секогаш сум бил на некоја линија кај што сум бил напаѓан и тоа е океј, меѓутоа како можеше ниедна до сега пријава од пациентили било каква кривична пријава или било што до сега да биде проблем Жан Митрев и од еднаш, како гром од ведро небо јас се претворив во личност број еден, најцрна личност на годината или како и да ме избраа. На илјадници и илјадници пациенти буквално спасени, на илјадници пациенти оперирани ...“.

Македонија | пред 3 години

Новинарка која го работеше документарецот за Жан Митрев: Потребна е итна и темелна хемофилтрација на 'новинарите'

Една од новинарките која работеше на истражувањето за болницата Жан Митрев објави статус на социјалните мрежи, по завршувањето на гостувањето на докторот Жан Митрев кај Снежана Лупевска Созен на Телма.„Потребна е итна и темелна хемофилтрација на медиумите и новинарите. Или уште поточно на 'новинарите'“, стои во објавата на Маја Јовановска.Објавата ја сподели и Сашка Цветковска која е уредничка на ИРЛ каде беше објавен документарецот.

Коментари | пред 3 години

Рауфи го праша Жан Митрев: Зарем има поевтина болница од онаа купена за џабе?

Доктор Жан Митрев во денешното гостување на тв Телма ијави дека тој бил жртва на планирано сценарио и дека никого не измамил.„Јас сум жртва, планирано со сценарио до ден денес. Никого не сум измамил. Од почетокот до денес работам искрено. Направив врвна болница, се задолжив многу и нема факт и аргумент дека некој сум сакалда измамам“, изјави Жан Митрев во Топ Тема.На оваа негова изјава реагираше адвокатот Насер Рауфи.„Жан Митрев ја даде својата одбрана пред Телма:... да сакав да измамам некого ќе купев поевтина болница! Зарем има поевтино од џабе?

Коментари | пред 3 години

“Жан Митрев” одговори на сите обвинувања за “експериментирања” и заболувања со интерхоспитални бактерии

Клиничката болница Жан Митрев Скопје објави соопштение, за како што велат “досегашните напади и обвинувања со кои се соочуваме овие денови”.Ви го пренесуваме во целост:Во Клиничката болница Жан Митрев Скопје не се вршени клинички испитувања, а објавената публикација не е и не може да претставува клиничко испитување. Всушност, станува збор за научен труд со сублимирани лабораториски резултати и искуства од употреба на оваа метода за лекување.Клиничко испитување на медицинските средства претставува откривање, односно потврдување на безбедноста на медицинските средства, нивната корисност и усогласеност со општите и посебните услови во согласност со намената дефинирана од страна на прозиводителот, а спонзорот на клиничкото испитување или неговиот овластен претставник е должен да го пријави клиничкото испитување во Малмед. Во овој контекст, Клиничка болница Жан Митрев Скопје ниту вршела проверка на безбедноста на медицинското средство за хемофилтрација (бидејќи тоа е обврска на производителот на медицинското средство), ниту пак е спонзор или овластен претставник за да може да пријавува, да бара или добива дозволи за вршење на клинички испитувања.Употребата на медицинското средство за хемофилтрација е начин на лекување, а секоја употреба на медицинско средство не е и не може да претставува клиничко испитување.Пред се, ние лекувавме пациенти од последиците предизвикани од КОВИД-19 вирусот со сите дозволени ресурси, меѓудругото и со помош на хемофилтрација -метода која е меѓународно сертифицирана.За употребата на ова медицинско средство (филтри), Клиничката болница Жан Митрев Скопје има соодветни дозволи и одобренија од страна на надлежните органи, кои ги набавила како купувач согласно склучен договор за купопродажба, и ги употребувала како купувач – за лекување, а не како спонзор.Според договорот за купопродажба на медицинското средство, Клиничката болница Жан Митрев Скопје не е определена како истражувачки центар, за што е потребно да има посебен договор со продавачот за клиничко испитување согласно соодветниот Правилник од Министерството за здравство, ниту пак е овластен подносител на пријава за клиничко испитување согласно законските прописи.Од продавачот на медицинското средство (апаратот) на Клиничката болница Жан Митрев Скопје му е предадено и Решение со кое се дозволува продажба и користење на тоа средство, што подразбира дека продавачот/производителот обезбедил соодветен документ за сообразност.Оттаму, Клиничката болница Жан Митрев Скопје како и другите здравствени установи кои купиле и користат вакво средство не се надлежни да вршат било какво испитување на ова средство чија употреба претходно веќе ја одобрил надлежен државен орган.Потенцираме дека податоците извадени од веб-страници во други дражви и други здравствени системи не се предвидени како доказ дека се врши клиничко испитување според прописите за клиничко испитување во РСМ. Без оглед на тоа како некој сака да ги толкува нашите објавени стручни трудови и споделени искуства од лекување, тоа не претставува системско клиничко испитување.Во однос на интрахоспиталните инфекции (ИХИ), појаснуваме дека Клиничка болница Жан Митрев Скопје, ги исполнува сите пропишани обврски за заштита на населението од заразни болести во однос на ИХИ односно: има донесена Одлука за именување на членови на Kомисија за интерхоспитални инфекции, има донесено Програма за контрола и превенција на ИХИ за 2021 до 2023 година, има изготвени Критерими за иницирање на истрага на ИХИ, врши контрола на хигиената, има изготвен План за контрола на ИХИ, Методологии за надгледување на ИХИ, систем за надзор на ИХИ, и ги поседува сите други пропишани поединечни акти според прописите за заштита на населението од заразни болести.Клиничка болница Жан Митрев Скопје веќе 22 години работи согласно законите и прописите на оваа држава и така и ќе продолжи.Затоа сме згрозени од ваквиот исцениран јавен напад, со кој се злоупотребува трагедијата на одредени семејства, креирајќи комплетно искривен приказ на КОВИД19 третманот на пациентите, медицинскиот пристап и институциите кои згрижувале тешко болни пациенти во време на пандемија.Напоменуваме дека, во нашата здравствена установа се лекувани голем број на пациенти од КОВИД-19, а само кај дел од нив е користена хемофилтрација, по оцена на одговорните лекари за секој конкретен случај одделно. На пациентите кај кои не е вршена хемофилтрација им се вратени претходно авансираните парични средства за хемофилтрација, за што постои уредна книговодствена документација. Навистина не ни е јасно зошто не се пишува за сите оние успешно излекувани пациенти од КОВИД – 19 кои биле примени со најтешка клиничка слика, а токму поради лекувањето со хемофилтрација нивните животи биле спасени.Продолжуваме крајно професионално и одговорно да ја извршуваме здравствената дејност во интерес на нашите пациенти. Ги охрабруваме сите инспекциски органи, како и многупати досега да ги извршат сите потребни контроли и надзори, на кои ќе им биде доставена целокупната документација со која располагаме, со цел надлежните стручни органи да ги побијат сите невистини и небулози кои беа изнесени во јавноста”, велат од ПЗУ Клиничка болница Жан Митрев Скопје.

Македонија | пред 3 години

Скандалот "Жан Митрев" да не се замолчи како другите трагедии, вели Татеши

Јавноста во Северна Македонија деновиве е преоптоварено, но сторијата на ИРЛ за злоупотребите и профитерите од пандемијата го шокираше и го изненади секој граѓанин. Додека најголемиот број на здравствените работници го дадоа својот максимум при третманот на пациентите со КОВИД, ризикувајќи го своето и здравјето на членовите на нивните семејства, моќниците и недопирливите профитираа на сметка на нив и на населението која се наоѓа на работ на екстремната сиромаштија и според авторите на документарецот, злоупотребувале болни за експерименти кои не поминале низ филтрите на институциите и не обезбедиле соодветни дозволи, вели Беким Татеши - Сектор за Здравство при АА„Алијанса за Албанците ги поздравува истражувачките новинари на ИРЛ и им честита за нивната храброст и професионалност, што дава надеж дека оваа гранка на новинарството во Северна Македонија е жива и ќе поттикне процесирање на многу слични случаи и во други области.Кога сите очекувавме дека владата и надлежните институции жестоко ќе реагираат и ќе ги расчистат сомнежите на многу членови на семејствата за тоа што навистина се случило во приватната болница „Жан Митрев“ во Скопје, на жалост се случи она што го видовме и слушнавме од биномот СДСМ-ДУИ и нивните сателити, молк и без партиска реакција, како и формирање на комисии и работни групи, што ни дава за право да констатираме дека и овој скандал ќе ја доживее судбината на скандалот со модуларната болница во Тетово, скандалот со вакцините, скандалот околу автобуските трагедии во Бугарија и Ласкарце и многу, многу други. Разочарувачки беа анемичните и конфузните ставови на министерот за здравство на последниот прес, од кој беа изненадени и шокирани здравствените работници, преживеаните пациенти и нивните семејства со обидот да се релативизира одговорноста на обвинетите.Прашуваме:- Јавното обвинителство: до кога ќе чекаме за процесирање и расветлување на овој скандал?- Владите Заев 1 и 2: врз основа на кои параметри дадовте дозвола Северна Македонија да се најде во групата на 10 земји каде Ковидот може да се лекува и во приватните болници знаејќи ја финансиската моќ на населението?- Да се ​​произнесат и одговорат екс министерот Филипче и неговиот заменик Хасани, во име на СДСМ и ДУИ, кој дал дозвола за примена на хемофилтрација како метод за лекување на Ковид и зошто не се применувала истата во државните болници и кој ја формирал астрономската цена на овој метод.Алијансата за Албанците предлага:- Во Собранието на Северна Македонија да се изготви и да се изгласа закон за профитерство од разни катастрофи,- Ако веќе се формираат комисии, тогаш во нив треба да учествуваат специјалисти од областите и што поскоро да се изготват извештаји за третманот со оваа метода.- Сите инволвирани да излезат пред јавноста и да одговорат на сите прашања и дилеми пред оние кои ги гласале и финансирале, граѓаните и истите да се приведат за да не избегаат и за да не влијаат на сведоците,- Министерството за здравство треба да обезбеди средства и истите да им се вратат на членовите на семејствата кои се погодени во овој невиден скандал и- Јавното обвинителство да постапува врз основа на факти и обвинувања и да не се дозволи овој скандал да ја доживее судбината на другите скандали затоа што со „нечиста крв“ никогаш нема да ја постигнеме нашата интеграција во нормалниот свет“, додава тој

Македонија | пред 3 години

(ВИДЕО) Објавено уште едно сведоштво за случајот „Жан Митрев“

Истражувачката репортерска лабораторија(ИРЛ) објави уште едно видео за случајот „Жан Митрев“.Се работи за сведоштво на жена од Велес, чиј сопруг бил опериран во клиниката.Истражувањето „Нечиста крв“ е базирано на 24 пријави на граѓани од Македонија и Косово.

Македонија | пред 3 години

И во Влада се дискутирало за болницата „Жан Митрев“, познат бројот на контроли и инспекции

Според Информацијата, на 18јули 2022 година (понеделник) доставена е ургенција до Лекарската Комора по однос на доставеното барање да се изврши стручен надзор за лекувањето на пациентот Никола Брезев (како дел од сторијата) од ден 27 септември 2021год., а врз основа на доставената иницијатива за стручен надзор од страна на Државниот санитарен и здравствен инспекторат (ДСЗИ).Министерството за здравство информираше дека нило побарано од Државниот санитарен и здравствен инспекторат да изврши вонреден инспекциски надзор во ПЗУ „Клиничка болница Жан Митрев“,Скопје во однос на спроведувањето на одредбите од задолжителното пријавување на интрахоспиталните инфекции како и примената на одредбите од Законот за евиденции во областа на здравството како и комплетен инспекциски надзор согласно законските овластувања на инспекторатот. Од Државниот санитарен и здравствен инспекторат бил побаран и извештај за спроведените редовни и вонредни инспекциски надзори во приватните болници во Република Северна Македонија за период 2019год. до јули 2022 год.Од Агенцијата за лекови и медициски средства МАЛМЕД како надлежна иснтитуција согласно Законот за лекови и медицински средства за постапката за спроведување на клинички испитувања за лекови/медицински средства, беше побарано да се направи инспекциски надзор по однос на почитување на одредбите од Законот за спроведување на клиничките испитувања за примената на хемофилтрацијата при третман на КОВИД-19 пациенти.На ден 19 јули 2022година Државниот санитарен и здравствен инспекторат го достави извештајот за спроведените редовни и вонредни инспекциски надзори во приватните болници во Република Северна Македонија за период 2019год. до јули 2022год.според кој во тековниот период направени биле 45 редовни и 52 вонредни инспекциски надзори во вкупно 12 приватни болници во државата при што биле издадени 11 решенија за констатирани недостатоци во надлежност на инспекторатот.На ден 20 јули 2022 година формирана е комисија за вршење на стручен надзор, а во врска со примената на методот на хемофилтрација при лекувањето на пациентите со КОВИД-19 во Приватната здравствена установа „Клиничка болница Жан Митрев“, Скопје.Во следниот период Министерството за здравство ќе направи анализа на добиените извештаи по која ќе бидат преземени сите потребни мерки и активности согласно законските овластувања.

Македонија | пред 3 години