Жената која фрлаше отпад во Лепенец доби две санкции од МВР

Жената која беше снимена како фрла отпадоци во реката Лепенец е идентификувана и санкционирана од полицијата.

Од МВР информираат дека денеска, 17 септември, во 11:45 часот, во Полициската станица од општа надлежност Карпош била повикана М.И.Б. (38) од Скопје, во врска со видеоснимките објавени на социјалните мрежи.

— реклама —

На снимките се гледа како непознато женско лице со патничко возило „порше“, на улицата „Скупи“, кај мостот на реката Лепенец, фрла отпадоци во реката.

— реклама —

По преземените мерки и активности, полицијата го утврдила идентитетот на жената, која била повикана во полициската станица, каде што со неа бил извршен службен разговор.

По документирањето на случајот, на М.И.Б. ѝ бил изготвен платен налог согласно член 14 став 1 од Законот за јавна чистота поради фрлање амбалажа надвор од местата определени за таа намена.

— реклама —

Дополнително, бил составен записник со платен налог согласно член 63 став 6 од Законот за безбедност на сообраќајот на патиштата поради непрописно паркирање на патничкото возило на коловозна лента.

View this post on Instagram

(Видео) Жена вози „Порше“, ама ѓубрето го фрла во Лепенец

Снимка објавена на социјалните мрежи предизвика реакции, откако жена е снимена како фрла ѓубре директно во реката Лепенец.На видеото се гледа како таа пристапува до брегот со автомобил „Порше“, го фрла отпадот во реката и потоа си заминува.Сцената повторно го отвора прашањето за односот кон животната средина и загадувањето на реките.

Македонија | пред 3 седмици