Жители од селото Конопница, во општина Крива Паланка, испратија реакција до редакцијата на „Скопје1“, во која алармираат дека со месеци се соочуваат со сериозни проблеми во водоснабдувањето.
Според нив, и покрај повеќекратните пријави до ЈП „Комуналец“ и до градоначалникот, состојбата останува непроменета, а жителите секојдневно остануваат без вода, што, како што наведуваат, значително го отежнува нормалното функционирање на домаќинствата.
Жителите изразуваат надеж дека надлежните институции конечно ќе преземат конкретни чекори за трајно решавање на проблемот со водоснабдувањето.
