Промени тема
Контакт
Најнова епизода Сведоштва за полициско шамарање во Охрид: Едниот натепан на паркинг, малолетник во нива | Претрес Гледај на LANDOV.MK

ЗНМ ги осудува заканите по живот упатени до новинарот Кристијан Ландов и бара итна истрага

Скопје1.мк's avatar
Автор: Скопје1.мк

објавено пред 32 минути -

Македонија
media-librarynl6hv5khtddi7aRFkYf

Текстот е автоматски генериран со помош на вештачка интелигенција

„Здружението на новинарите на Македонија (ЗНМ) остро ги осудува заканите по живот упатени до новинарот Кристијан Ландов на социјалните мрежи. Според информациите што ЗНМ ги доби од новинарот, заканите започнаа по објавувањето на епизодата од неговиот подкаст „Претрес“ посветена на неодамнешниот инцидент во Охрид“, велат од ЗНМ. Тие додаваат:

Во коментар на Фејсбук, профилот „Ivica Misajle“ му порачува на Ландов: „aj malce namali (…) da ne ti lizni kolata a mlado dete si“. Во одговор, профилот „Ilija Ile Krsteski“ додава дека „ке му одвртат некој штрав од некое колце“. Пораките, очигледно, алудираат на оштетување на неговиот автомобил што може да заврши со сообраќајна несреќа.

— реклама —

Ландов ги пријави заканите во полиција. ЗНМ бара од Министерството за внатрешни работи и од надлежното јавно обвинителство итно да спроведат истрага, да ги идентификуваат авторите на заканите и да ги процесираат согласно закон.

Потсетуваме дека со измените на Кривичниот законик, заканите и нападите врз новинарите се третираат како напади врз службени лица. За нив се предвидени построги казни, а сторителите се гонат по службена должност.

— реклама —

ЗНМ предупредува дека тие се појавуваат во атмосфера во која Независниот синдикат на полицијата (НСП) паушално ги обвинува медиумите. Во објава на социјалните мрежи од 19 ноември, напишана во име на синдикатот од страна на Мартин Ефремов, се тврди дека полициските службеници од Охрид се „мета на оркестрирани медиумски напади“. Според објавата, тие напади „веројатно имаат за цел да го обесхрабрат нивното постапување“ и „да ја вратат контролата на градот на криминалните структури“.

Во соопштението што следеше, синдикатот зборува за „медиумското етикетирање“ и „медиумски линч“ и порачува дека „информирањето не смее да се претвори во шоу за лајкови“. Притоа не посочува ниту еден конкретен новинарски прилог или медиум.

— реклама —

Ваквите генерализирани обвинувања се неодговорни. Кога новинарското известување се претставува како оркестрирана кампања во корист на криминалните структури, тоа може да поттикне говор на омраза и напади врз новинарите.

Особено е загрижувачко што ваквите пораки доаѓаат од организација на полициски службеници, иако токму полицијата е должна да ја гарантира безбедноста на новинарите.

— реклама —

Доколку конкретниот синдикат на полицијата, или кој било друг, смета дека одреден новинар или медиум објавил неточни, неетички или непрофесионални содржини, постојат воспоставени саморегулаторни механизми преку кои може да побара оценка и заштита на своите права. Во таа насока, ги упатуваме да поднесат претставка до Советот за етика во медиумите на Македонија или до Советот на честа при ЗНМ, наместо преку општи јавни соопштенија да упатуваат оптши критики кон медиумската заедница во целина.

ЗНМ бара од Секторот за внатрешна контрола, криминалистички истраги и професионални стандарди при МВР да ги испита јавните објави на претставниците и членовите на Независниот синдикат на полицијата. Секторот треба да утврди дали ваквото паушално етикетирање на медиумите е во согласност со професионалните и етичките стандарди што важат за полициските службеници. ЗНМ бара авторите на овие објави да сносат одговорност.

Сподели

Сподели
Сподели
Сподели
Сподели
Сподели
Сподели
Сподели како слика

Поврзани содржини

media-libraryofr1hrhf7or27XFDU7F

ЗНМ и ССНМ: Повикот на Обвинителството може да се сфати како притисок врз медиумите

Македонија | пред 7 месеци

— реклама —
IMG_5572

Првата група повредени од трагедијата во Кочани заврши рехабилитација – Министерството за здравство со апел, ЗНМ со остар одговор

Македонија | пред 1 година

znm

ЗНМ: Извештајот на „Репортери без граници“ е реален показател за потребата од реформи во медиумскиот сектор

Македонија | пред 1 година

pance-toskovski-znm-2

ЗНМ и ССНМ: Новинари повикани на информативен разговор без претходно објавена забрана за дронови – бараме објаснување од МВР и АЦВ

Македонија | пред 1 година

Согласност за колачиња (cookies)

Нашата веб-страница користи колачиња за подобрување на корисничкото искуство и анализа на сообраќајот.

Дознај ексклузивно и прв

Прв ќе ги дознаваш ударните и вонредните случувања