знм

Првата група повредени од трагедијата во Кочани заврши рехабилитација – Министерството за здравство со апел, ЗНМ со остар одговор

Во одморалиштето на МВР на Пониква заврши првата фаза од рехабилитацијата за 45 лица повредени во трагичниот настан во Кочани. Според Министерството за здравство, на почетокот од следната недела таму ќе пристигне и нова група повредени, кои ќе добијат двонеделна медицинска нега и физикална терапија.Министерството упати апел до медиумите процесот на рехабилитација да се следи со особена внимателност и почитување на приватноста на повредените лица. Во соопштението се наведува дека секој инвазивен пристап може да предизвика дополнителни трауми и да го отежни заздравувањето. Затоа, се бара да не се снимаат лица, да не се бараат изјави и да не се нарушува мирот во Пониква и Општата болница во Кочани.Но на ваквиот повик реагираше Здружението на новинари на Македонија (ЗНМ), оценувајќи дека станува збор за ограничувачки инструкции што можат да се протолкуваат како институционален притисок и обид за цензура. Според ЗНМ, Министерството не смее да наметнува правила за новинарско известување, особено кога станува збор за настани од јавен интерес.„Слободата на изразување и јавното информирање се гарантирани со Уставот, а новинарската етика е прашање на саморегулација“, порачаа од ЗНМ, потенцирајќи дека уредувачката независност и медиумската слобода се неприкосновени во едно демократско општество.

Македонија | пред 5 месеци

ЗНМ: Извештајот на „Репортери без граници“ е реален показател за потребата од реформи во медиумскиот сектор

„Во најновиот извештај на Репортери без граници (RSF), Македонија бележи пад од шест позиции на Светскиот индекс за слобода на медиумите за 2024 година и се рангира на 42 место. ЗНМ го смета извештајот за реален и балансиран приказ на состојбите, кој јасно ги посочува постојните предизвици и потребата од суштински реформи“, велат од ЗНМ и додаваат:Во правниот дел, извештајот нотира дека националното законодавство сè уште не е усогласено со европските стандарди, а злоупотребата на т.н. SLAPP тужби (стратешки тужби против јавна партиципација) останува механизам за притисок врз критичките медиуми и новинари.Во делот за безбедност, и покрај позитивниот чекор со назначувањето на контакт точки во ЈО и МВР за случаи на напади врз новинари, извештајот бележи продолжени случаи на заплашување, притисоци и напади кои го нарушуваат чувството на сигурност кај новинарите, особено кај оние што известуваат за злоупотреба на моќ и корупција.Извештајот укажува на тенденцијата носители на јавни функции да имаат негативни и понижувачки ставови кон новинарите, а таквиот однос создава атмосфера на недоверба и недостоинство, која лесно се прелева и во јавниот дискурс, но и во реални закани и напади врз новинари.Во економскиот дел, се истакнува дека финансирањето на медиумите е ограничено и нетранспарентно, а редакциите често се подложни на економски влијанија.Извештајот се однесува на изборната 2024 година, во период на поларизирана политичка клима која резултираше со засилен партиски дискурс во јавната комуникација и медиумите.Овие наоди, според ЗНМ, претставуваат јасен сигнал до институциите дека се неопходни итни и координирани реформи за зајакнување на медиумскиот сектор и подобрување на положбата на новинарите. Клучните приоритети треба да бидат:Усогласување на националното медиумско законодавство со Европскиот акт за слобода на медиумите (EMFA), за да се обезбеди покохерентна и транспарентна правна рамка.Формирање на фонд за поддршка на медиумскиот плурализам, со цел зајакнување на независноста и одржливоста на професионалното новинарство.Ефикасно решавање на сите сериозни случаи на закани и напади врз новинари, вклучувајќи проширување на институционалните механизми и надвор од главниот град.Воведување на правни заштити против злоупотреба на SLAPP-тужбите, со цел заштита на новинарите кои известуваат во интерес на јавноста.Политичарите, особено оние на позиции на моќ, треба да преземат одговорност и да придонесат кон создавање на култура на почит, транспарентност и конструктивна комуникација со медиумите. Преку јавно признание на улогата на новинарите во демократското општество и воздржаност од навредлив говор, може значително да се подобри целокупната медиумска средина и да се зајакне довербата на јавноста.ЗНМ останува посветено на поддршка на реформите што ќе ја унапредат слободата на изразување, ќе ги подобрат условите за работа на новинарите и ќе придонесат кон зголемување на довербата на јавноста во медиумите.

Македонија | пред 7 месеци

ЗНМ и ССНМ: Новинари повикани на информативен разговор без претходно објавена забрана за дронови – бараме објаснување од МВР и АЦВ

Здружението на новинари на Македонија (ЗНМ) и Самостојниот синдикат на новинари и медиумски работници (ССНМ) изразуваат загриженост поради повикувањето на информативен разговор на новинари, меѓу кои и претставници на меѓународни медиуми, по синоќешниот протест во Скопје.„Според достапните информации, забраната за користење на дронови беше официјално објавена пред 20 часот, речиси два часа откако протестот веќе започна. Дополнително, во соопштенијата на Министерството за внатрешни работи и Агенцијата за цивилно воздухопловство, за градот Скопје воопшто не беше спомената ваква забрана. Ова отвора сериозни прашања за правната основа на постапката кон новинарите.Согласно Правилникот за воздухоплови без екипаж (Член 7, Став 1), одредени зони можат да бидат ограничени поради безбедносни или други важни причини, но ваквите одлуки мора да бидат прецизно дефинирани и јавно достапни навремено.Општата примена на забраната без претходно известување и врз цел град, како во овој случај, не е во согласност со оваа правна рамка.Во интерес на јавноста, бараме од МВР и АЦВ да дадат јасно појаснување за следниве прашања:1.Зошто забраната за дронови беше објавена дури откако протестот веќе започна?2.Според најавата Скопје не беше опфатено, а новинари сепак беа повикани на информативен разговор?3.По кој правен основ цели градови се опфатени, наместо конкретни зони како што предвидуваат подзаконските акти?4.Зошто медиумите не беа навремено известени за ограничувањата?Очекуваме институциите да постапуваат транспарентно и во согласност со законите, со цел да се избегнат дејствија што можат да се протолкуваат како ограничување на работата на медиумските работници и слободата на медиумите и тоа за настани од висок јавен интерес.Воедно, апелираме до новинарите кои користат дронови да го прават тоа одговорно и со внимание, без да ги вознемируваат семејствата и блиските кои поминуваат низ тежок период, особено во наредните денови кога ќе се одржуваат погребите на починатите“, велат Здружението на новинари на Македонија (ЗНМ) и Самостојниот синдикат на новинари и медиумски работници (ССНМ).

Македонија | пред 8 месеци

ЗНМ: Загрижува што пратеник на владејачка партија употреби несоодветни квалификации за Ордановски

Здружението на новинарите на Македонија (ЗНМ) бара да престанат партиските пресметки во кои се користат имиња и ставови на новинари, бидејќи ваквата практика е неприфатлива и штетна за целиот медиумски простор.„Посебно загрижува фактот што пратеник на владејачка партија, на две последователни прес-конференции, употреби несоодветни квалификации за новинарот Ордановски, врамувајќи го во политички и партиски контекст. Оваа реторика, кога доаѓа од политички функционери, не само што е контрапродуктивна за слободниот јавен дискурс, туку создава и ризик од продлабочување на недовербата и поттикнување негативни чувства кон новинарите.ЗНМ апелира јавните функционери да се воздржат од изјави што можат да се протолкуваат како етикетирање или дискредитација на новинари. Ваквите постапки не се во духот на демократските вредности и го загрозуваат квалитетот на јавната дебатаДоколку имаат забелешки за одредени медиумски содржини, политичарите можат да поднесат претставка до релевантните саморегулаторни тела, како што се Советот на чест при ЗНМ или Советот за етика во медиумите на Македонија (СЕММ)“, велат од ЗНМ.

Македонија | пред 9 месеци

ЗНМ и ССНМ: Заканите и тужбите не смеат да го замолчат гласот на новинарите

Здружението на новинарите на Македонија (ЗНМ) и Самостојниот синдикат на новинари и медиумски работници (ССНМ) изразуваат загриженост поради актуелните предизвици со кои се соочуваат новинарите во однос на транспарентноста и отворената комуникација со градските власти во градот Скопје.„Конкретно, игнорирањето на медиумските покани и ограничувањето на пристапот до информации од јавен интерес придонесуваат за напнатост и го отежнуваат слободното новинарско работење. Дополнително, се појавуваат правни притисоци и најави за тужби кон медиумот „Скопје1“, што предизвикува чувство на обесхрабрување кај новинарите.ЗНМ и ССНМ нагласуваат дека е неопходно да се овозможи отворен и конструктивен дијалог меѓу јавните функционери и медиумите, како и да се зачува правото на новинарите да ја вршат својата работа без страв од притисоци или заплашувања.Слободата на изразување и правото на медиумите да информираат се темелни принципи на демократското општество.ЗНМ и ССНМ ги повикуваат надлежните институции да обезбедат заштита и поддршка за професионалните права на новинарите, како и да се осигура средина каде медиумите можат слободно да ја информираат јавноста“, се наведува во соопштението.

Македонија | пред 1 година

Коцевски: Јавно ја осудувам секоја форма на притисок и закани кои се насочени кон замолчување на новинарите и влијание врз нивната работа

Јавниот обвинител на Република Сееврна Македонија Љупчо Коцевски денеска се обрати на настанот посветен на одбележувањето на Меѓународниот ден за ставање на крај на неказнивоста на нападите врз новинарите, што се одржа во просториите на Здружението на новинарите на Македонија.„Кога се подготвувавме за овој заеднички настан со Здружението на новинари и Министерството за внатрешни работи, сметав дека во едно кратко обраќање ќе ги изложам напорите што како обвинителство ги вложуваме за подобрување на безбедноста на новинарите и за спречување на неказнивоста на нападите врз новинари. Но, со оглед на случувањата од изминатите денови, чувствувам обврска, наместо декларативните заложби за унапредување на заштитата на слободата на говор, да започнам со едно лично обраќање со кое на дело ќе ја покажам позицијата на институцијата што ја предводам по ова прашање.До вашата колешка, новинарката Мирослава Симоновска, која верувам е присутна тука денеска: Мирослава, Основното јавно обвинителство Скопје интензивно постапува по твојата кривична пријава. Те уверувам дека обвинителството презема се за да го расчисти случајот. Знам дека целиот твој случај добива на тежина поради инволвираноста на јавен обвинител, но те уверувам дека јавното обвинителство има механизми со кои ќе обезбеди независно и објективно постапување по твојата пријава“, кажа Љупчо Коцевски.„Сакам на сите да биде јасно дека ја осудувам секоја постапка со која новинарите се предмет на незаконско следење и снимање. Јавно ја осудувам и секоја форма на притисок и закани кои се насочени кон замолчување на новинарите и влијание врз нивната работа. Таков однос кон новинарите е и ќе биде недозволен додека јас сум државен јавен обвинител.Сакам јавноста да знае дека приоритет на јавното обвинителство е заштитата на јавниот интерес и правата и слободите на граѓаните и затоа јас како државен обвинител ниту одобрувам, ниту толерирам притисоци и закани, без оглед од кого и да доаѓаат и сум одлучен да ги преземам сите законски мерки со кои моите вербални заложби ќе се покажат на дело.Во изминатиот период Јавното обвинителство вложи огромна енергија во јакнење на транспарентноста и во активностите за промоција на безбедноста на новинарите и слободата на изразување. Во четири јавни обвинителства низ државата – Скопје, Штип, Битола и Тетово се назначени обвинители кои го следат постапувањето во предметите поврзани со нарушување на безбедноста на новинарите. Како јавно обвинителство се вклучивме и изработката на прирачник за безбедност на новинари, активно соработуваме со новинарските здруженија и со новинарите на јакнење на јавната свест за нетолеранција на нападите врз новинарите. По моето доаѓање на функцијата, транспарентноста е дополнително зајакната и ќе продолжи со уште поголем интензитет. Јавното обвинителство поведува постапки и постапува само врз основа на докази.Измените на Кривичниот законик со кои новинарите добија заштита како службени лица при вршењето на своите работни задачи активно се применуваат и веќе се изречени неколку пресуди за сторено кривично дело – Спречување на службено лице во вршење службено дејствие во ситуации кога нападнати се новинари или медиумски работници.И за останатите регистрирани кривични дела против новинари активно се постапува и се преземаат дејствија против сторителите. Се разбира, полесно оди идентификација и процесуирање на сторителите на физичките напади, додека кога станува збор за онлајн и интернет закани и заплашувања, се уште во голема мера сме условени од меѓународната соработка со соодветните интернет провајдери и социјални мрежи, што понекогаш ни ја усложнува постапката. Меѓутоа и на тој план во последно време имаме значително подобрување, така што имаме и такви предмети во кои веќе се изречени пресуди против сторителите.Затоа би рекол дека активно работиме на унапредување на безбедноста на новинарите во нашата земја. Нема да дозволиме овој наш заеднички ангажман да падне во сенка на неодговорно однесување на поединци. Заедно сме посилни во одбрана на слободата на изразување како највисоко демократско право!“, изјави јавниот обвинител Коцевски.

Македонија | пред 1 година

„Грубо прекршување на правата на новинарката Мирослава Симоновска“: Повик од ЗНМ и ССНМ за итна истрага

Здружението на новинарите на Македонија (ЗНМ) и Самостојниот синдикат на новинари и медиумски работници (ССНМ) изразуваат сериозна загриженост поради последното прекршување на основните права на нашата членка, новинарката Мирослава Симоновска, поради неовластеното снимање и дистрибуција на видео на кое таа наводно прима документ.„Ова видео, кое беше проследено до национална телевизија од страна на шефот на Вишо јавно обвинителство Мустафа Хајрулахи, отвора сериозни прашања за приватноста, незаконското следење и правата на новинарите во Македонија.Објавата на незаконски снимено видео од новинарката Мирослава Симоновска ја нарушува нејзината приватност и нејзините основни права без разлика што објавениот видео материјал е со заштитени идентитети. Секој новинар има право слободно да се движи и да комуницира со граѓани без страв од незаконско следење или нарушување на приватноста.Оваа акција, за која веруваме дека е насочена кон застрашување и дискредитација на Мирослава Симоновска поради нејзината критичка работа, особено во однос на истражувањето на високиот јавен обвинител, претставува директен напад врз новинарската независност и претставува закана за сите професионални новинари“, велат од ЗНМ и ССНМ.„Со ова, се создава опасност од автоцензура и се поткопува клучната улога на медиумите во контрола на власта, особено што не е изолиран случај бидејќи до ЗНМ и ССНМ утрово пристигнаа и други пријави од новинарки кои сведочат за суптилни притисоци за нивни теми поврзани со работата на Вишо јавно обвинителство.Информираме дека утринава, новинарката Мирослава Симоновска поднесе кривична пријава до Основното јавно обвинителство Скопје за неовластено снимање од страна на службено лице.Бараме од Основното јавно обвинителство итно и без одлагање да спроведе темелна истрага во врска со овој случај и ги повикуваме надлежните институции да ги заштитат правата и безбедноста на новинарите.ЗНМ и ССНМ ќе ги известат меѓународните организации за поддршка на медиумите за ова скандалозно прекршување на правата на новинарите, кое може да има застрашувачки ефект врз слободата на медиумите во Македонија. Ова сериозно ја загрозува слободата на новинарите, заплашувајќи ги не само нив, туку и сите останати граѓани кои можат да се јават како извори кои би посочувале на злоупотреби во државните институции.Исто така, упатуваме порака до медиумите случаите каде има сомнително стекнати материјали да ги третираат со особено внимание и строго да ги почитуваат етичките стандарди“, се додава во соопштението на Здружението на новинарите на Македонија и на Самостојниот синдикат на новинари и медиумски работници.

Македонија | пред 1 година

Запалено возилото на колегата Серсемов, ЗНМ бара итна акција на МВР

Здружението на новинарите на Македонија (ЗНМ) остро го осудува вандалскиот чин на дрско опожарување на возилото на колегата Благој Серсемов, уредникот на локалната телевизија и онлајн медиум М-нет од Штип.„Инцидентот се случил во текот на изминатата ноќ во кој патничкото моторно возило на новинарот и уредник од штипската телевизија М-нет, било запалено од страна на непознати сторители во дворот на неговата семејна куќа. Со ова сторителите ризикувале да нанесат и поголема штета во смисла на изложување на потенцијален ризик по безбедноста на членовите на семејството на новинарот и на неговите соседи.Колегата Серсемов за ова тенденциозно уништување на неговиот личен имот изјави: „Ова го сметам за директен удар врз сите медиуми, не само кон мене лично. Дефинитивно е загрозена безбедноста и на членовите на моето семејство“.Ваквиот чин на вандализам претставува сериозна закана за безбедноста на новинарите и медиумските работници, како и напад врз слободата на говорот и правото на јавноста да биде информирана“, соопшти ЗНМ.„Затоа, ЗНМ го повикува МВР веднаш да преземе мерки за целосно и брзо расветлување на случајот, идентификување и санкционирање на сторителите.Освен ова, колегата Серсемов има и правни притисоци оваа година и тој се соочува со неосновани тужби за клевета за што адвокатите на ЗНМ го застапуваат во Основниот суд во Штип.Заканите од ваков тип се неприфатливи во едно демократско општество кое тежнее кон заштита на медиумските права и безбедноста на сите новинари. Овој напад не е само физички чин на уништување на имот, туку има за цел да ги замолчи новинарите и да го заплаши медиумскиот сектор во земјава во целост.За овој случај ЗНМ ќе ги извести меѓународните новинарски организации кои ги следат правата и медиумските слободи“, се наведува во соопштението на ЗНМ.

Македонија | пред 1 година

Судскиот совет одлучи по претставката на ЗНМ: јавен укор за судијата Спировска Панева

Здружението на новинари на Македонија (ЗНМ) денеска одржа прес конференција на која беше јавно презентирана одлуката на Судскиот Совет која претставува важен чекор за слободата на медиумите и безбедноста на новинарите во Македонија.На 10 октомври годинава, Судскиот Совет донесе дисциплинска мерка – јавен укор за судијата Јованка Спировска Панева, со која се потврди дека таа незаконски и забранила на јавноста да го следи соочувањето на рочиштето, помеѓу бизнисменот Кочо Анѓушев и колешката Цветковска за случајот „Фероинвест против медиумот ИРЛ“, постапка со која новинарите беа спречени да ги информираат граѓаните за овој важен судски процес.Во одлуката на Судскиот Совет јасно е наведено дека, „исклучувањето на јавноста за време на судските рочишта претставува груба повреда на транспарентноста и правото на информирање, што е од суштинска важност за слободата на медиумите.“Драган Секуловски, директорот на ЗНМ истакна дека со постапката на судијата за отстранување на новинарите од судница директно се напаѓа медиумската слобода, причина заради која одлуката на Судскиот совет е позитивен пример за заштита на слободата на изразување.„Оваа постапка на судијата Спировска Панева се смета за сериозна професионална грешка и директен напад врз медиумските слободи во спротивност со Законот за парнична постапка. Токму затоа одлуката претставува пресвртница за медиумската заедница. Со ова се испраќа јасна порака дека слободата на информирање мора да биде заштитена. Истовремено, ова е чекор кон гарантирањето на транспарентноста на судските постапки и дека законите мора да се почитуваат од сите судии“, рече Секуловски.На 19 октомври 2023 година, ЗНМ поднесе претставка до Судскиот Совет, барајќи одговорност од судијата Спировска Панева поради исклучувањето на јавноста од рочиштето од горенаведениот случај, како и поведување на дисциплинска постапка. ЗНМ активно учествуваше на сите четири расправи пред Комисијата составена од тројца судии, презентирајќи релевантни докази што го потврдуваат неправилното постапување на судијата.

Македонија | пред 1 година

ЗНМ: Повторно обиди за притисок врз новинарите на „Скопје1“

Повторно се забележуваат обиди за притисок врз новинарите на „Скопје1“, што претставува продолжение на слични случаи од минатото, за што ЗНМ претходно го изрази својот став, вели Здружението на новинари.„Јавните функционери, особено градоначалниците, имаат обврска да одговараат на прашања од јавен интерес и да не ги ограничуваат новинарите во вршењето на нивната работа. Наместо непримерна комуникација преку заканувачки деманти од правни застапници, соработката и отворената комуникација се клучни за поттикнување доверба.Доколку се забележат тенденцозни објави од страна на медиуми, во тој случај може да се испрати претставка до Советот на честа при ЗНМ, како и до Комисијата за жалби при СЕММ (Совет за етика во медиумите) Град Скопје, но и сите јавни институции и личности треба да покажат подготвеност за дијалог и професионален однос со новинарите и медиумите.Воедно, ги потсетуваме членовите на ЗНМ дека имаат право на бесплатна правна помош и застапување пред суд во случај на правни притисоци и тужби“, велат од ЗНМ.

Македонија | пред 1 година

ЗНМ со реакција до „Паркови“ по заканите до „Скопје1“: Евентуална тужба би била карактеризирана како СЛАПП, обвинувањето за говор на омраза може да се сфати како притисок

Здружението на новинарите на Македонија (ЗНМ), согласно своите заложби за заштита на правата и интегритетот на новинарите, реагира на барањето за извинување за објавен текст испратено од страна на адвокатот на ЈП Паркови и зеленило до редакцијата на Скопје1.мк како и на погрешното интерпретирање на ставовите на ЗНМ, што е нотирано во истото барање.Во прилог, целата реакција:„Неспорно е дека според Законот за граѓанска одговорност за навреда и клевета (ЗГОНК) член 12, може да се бара јавно извинување или јавно повлекување на изјавата или содржината. Но од друга страна укажуваме дека единствени професионални тела за утврдување на прекршување на етичкиот кодекс на новинарите се Советот на честа при ЗНМ како и комисијата за жалби при Советот за етика во медиумите на Македонија (СЕММ).Обвинувањето за говор на омраза за легитимни теми од јавен интерес во текстот насловен како „Депонија и ѓубришта на кејот на Вардар“ објавен на 03 септември 2024 година, може да се сфати како сериозен притисок врз работата на новинарите. Евидентно е дека нема елементи на говор на омраза во овој текст, а интересно е тоа што ЈП Паркови и зеленило воопшто не се ни спомнува во објавата.Поради ова може да се смета дека ваквата комуникација од страна на ЈП Паркови и зеленило претставува закана кон професионалната новинарска работа, а евентуална тужба со сигурност би била карактеризирана како Стратешкa тужбa против учеството на јавноста (СЛАПП).Овие тужби се карактеризираат како тужби кои се поднесени од моќни субјекти, односно ентитети (на пример: јавно претпријатие, јавен функционер, деловно лице од висок профил) против граѓански организации или поединци, како што се новинари или други лица, кои изразиле критична позиција за суштинско прашање од некаков политички интерес или општествено значење.Во барањето за извинување има и погрешно толкување и интерпретација на ставовите на ЗНМ за објавен текст испратено од страна на адвокатот на ЈП Паркови и зеленило до редакцијата на Скопје1.мк. Правниот застапник на ова јавно претпријатие погрешно користи јавни ставови на ЗНМ поврзани со говор на омраза, со цел да имплицира на непрофесионално новинарско известување.Токму поради ова, јавно се обраќаме со појаснување и испраќаме поука до засегнатата страна со цел ваквата комуникација во иднина да не прерасне во негативна пракса.ЗНМ апелира до раководството во јавните претпријатија да негуваат култура на толеранција и професионален однос со новинарите и медиумските работници, и да покажат подготвеност за соработка а не да се посегнува по тужби кон нив“.

Скопје | пред 1 година

ЗНМ: Демантираме дека Димовски бил исклучен од членството на ЗНМ, членството му продолжи како придружен член

„Здружението на новинари на Македонија со чувство на горчина ги отфрла малициозните обвинувања од дел од колегите од фелата, кои искористија еден трагичен настан за да се обидат да прикажат лажна слика за функционирањето на нашата организација и да претстават непринципиелен однос на Здружението кон нашиот драг, прерано заминат колега и личен пријател Саше Димовски“, се вели во соопштението на ЗНМ откако меѓу фелата се покрена прашањето дали Саше Димовски бил исклучен поради тоа што стана член на Комисијата за помилување на претседатечката.„Димовски беше клучен дел од ЗНМ, почитуван меѓу колегите и вработените во ЗНМ. Тој имаше суштинска улога во изминативе две години во кревањето на важноста на Советот на честа на ЗНМ, каде како претседател заедно со останатите членови, успеаја за кусо време да етаблираат ефикасен систем на носење одлуки. На тој начин придонесоа за промовирање на професионалните стандарди кои ќе служат како репер за натамошното функционирање на Советот, но и на принципот на медиумската саморегулација.Поттикнати од неколкуте објави, пред сè на социјалните мрежи, со цел да нема погрешни толкувања но и поради чувството на одговорност, би сакале да го појасниме следното. Претседателот на Советот на честа Димовски, беше во постојан контакт со извршната канцеларија и редовно беа одржувани средби за консултации во просториите на ЗНМ во изминатите години, за кое време функционира ова тело во овој состав. Со Димовски но и со останатите колеги од Советот, имавме исклучителна плодна и искрена соработка, дискусии за иднината на професионализмот во новинарството и кревањето на етичките стандарди, преку идни процеси за креирање и на нов кодекс на новинарите, процес кој е тековен.Дополнително свој професионален придонес, како еден од уредниците, Димовски даде и во промоција на новоформираната платформа на ЗНМ за промовирање на професионални новинарски содржини од локален јавен интерес и борба против дезинформации: Јасно.мкСаше Димовски како новинар со одлични познавања во сферата што ја покриваше, правосудството, остави белег во македонското новинарство. Со задоволство, ја примивме веста дека неговиот професионален ангажман е препознаен не само во ЗНМ туку и од страна на Претседателот на РС Македонија. Тој пред кус период беше именуван како член во Комисијата за помилување на Претседателот на Македонија, со што се докажа дека дел од новинарите се препознаени и во државните работни тела каде можат да дадат свој придонес.Со тага ја примивме веста дека Димовски не е веќе меѓу нас. Изгубивме драг колега и посветен соработник со кој како професионалец, колега и пријател заедно, сплотени, минувавме низ многу среќни, но и низ многу тешки моменти поврзани со неговата влошена здравствена состојба. Во тие мигови се препознаваат вистинските пријатели и добрата намера.И покрај добриот професионален и личен однос кој го негувавме, изненадени сме од обидот на дел од колегите, личната трагедија да ја претворат во перцепција за непринципиелност на ЗНМ. Сурово е да го користиме името на нашиот починат колега за ширење на дезинформации и шпекулации, како и на субјективни толкувања.Демантираме дека Димовски бил исклучен од членството на ЗНМ како што беше  претставено во еден медиум.Појаснуваме дека, согласно Правилникот за членство и статутот на ЗНМ во делот на надлежности на Управниот одбор, како и по добиено правно мислење од страна на независна адвокатска канцеларија, но и по реакции на членови на ЗНМ, минатата недела, беше констатирано дека членството на Димовски во ЗНМ продолжува како придружен член. Статутот налага дека новинар именуван во државен орган не може истовремено да има активна улога во органите на ЗНМ и дека доколку има таква состојба, ќе се констатира престанок во органите на ЗНМ, во случајов во Советот на честа. Оваа пракса постои со години. Имало вакви бројни случаи и во минатото со други колеги кои биле именувани или избрани во државни органи или тела без разлика дали станува збор за централна или локална власт, Собранието на РСМ, вклучувајќи ја и оваа Комисија во рамки на Претседателот на РСМ.Со овој пристап, секогаш кога до ЗНМ имало реакција или самиот член укажал за потенцијален конфликт на интерес, ЗНМ покажувало конзистентност но и принципиелност во своите политики, што е важно за одржување на довербата и интегритетот на новинарските организации и нашите членови.Намерата на ЗНМ и на самиот Димовски, за што повеќе пати дискутиравме, беше тој да продолжи да дава свој придонес во дел од активностите на ЗНМ, вклучувајќи го и креирањето на новиот Кодекс на новинари, како и на платформите каде можеше да им помогне на помладите колеги во нивното натамошно усовршување и во овие намери не менуваше дали тој делува како придружен член или редовен во рамки на ЗНМ. Останува чувството на празнина дека тој можеше да пружи уште многу за македонското новинарство, но и за ЗНМ.Упатуваме апел, колегите да се воздржат од неосновани шпекулации и обвинувања, во овие тешки моменти, пред сè за семејството на Димовски. Да се збогуваме со колегата и пријател Саше достоинствено, така како што тој се бореше низ сите професионални и животни битки“, велат од ЗНМ.

Македонија | пред 1 година

(Документ) Саше Димовски бил суспендиран од ЗНМ, никаде не стои дека останува придружен член - раководството ја заобиколи вистината!

Новинарот Саше Димовски бил суспендиран од Здружението на новинари на Македонија (ЗНМ), покажува дописот кој „Скопје1“ го доби по три дена преписки со раководството, а му бил испратен и нему. Во него, не стои дека тој останува „придружен член“ како што тврди ЗНМ во одговорите до нашата редакција, туку јасно се посочува: „...тој го губи статусот на полноправен член на ЗНМ“, а потоа му појаснуваат на Димовски дека одредбата значи суспендирање на членството за време на извршување на работните ангажмани.„Согласно член 10 од Правилникот за членството и чланарината, со именувањето на Саше Димовски во Комисијата за помилување како постојано работно тело во служба на Претседателот, тој го губи статусот на полноправен член на ЗНМ. Оваа одредба предвидува суспензија на членството за време на извршувањето на ангажманите во органите на државната управа како и други државни органи. Бидејќи Комисијата за помилување е работно тело на Претседателот на државата, именувањето во неа спаѓа под овие одредби“ стои во дописот кој го доби „Скопје1“ од ЗНМ, а испратен до Димовски.[caption id="attachment_298833" align="alignnone" width="1288"] Дописот кој претсдателот на ЗНМ го испратил до Димовски за суспензија на членството, а кој „Скопје1“ го доби од раководството[/caption]Ова е спротивно на ставот кој претходно го кажа ЗНМ, кога „Скопје1“ прашуваше дали Димовски бил исклучен од здружението.„...Беше констатирано дека членството на Димовски во ЗНМ продолжува како придружен член, како што имало бројни други случаи и во минатото. Димовски не бил исклучен од ЗНМ, неговиот придонес во новинарството и во ЗНМ беше исклучителен...“, стои во одговорот од ЗНМ до „Скопје1“.[caption id="attachment_298834" align="alignnone" width="1988"] Одговори од ЗНМ во кои тврдат дека Димовски од редовен станува придружен член од 06 август испратени до „Скопје1“[/caption]Бидејќи нашата редакција имаше пристап до документот и пред ЗНМ да ни го испрати официјално, неколку пати ги препрашавме дали Димовски останал или не е член на ЗНМ. Па така, во одговорот од вчера јасно посочуваат: „Како што е појаснето во претходните одговори, не станува збор за исклучување на членство како што имате наведено, туку за промена на статус во придружен член согласно член 10 од истиот правилник“.[caption id="attachment_298835" align="alignnone" width="1960"] ЗНМ во секој одговор до „Скопје1“ го тврдеше истото - дека Димовски не е исклучен од членството[/caption]Бидејќи раководството и претседателот Младен Чадиковски се повкуваат на седница на Управен одбор каде било констатирано дека Димовски не може да биде член, ги побаравме, но не ги добивме записниците. За ова имаа свое оправдување во кое се вели: „Во однос на прашањето за записници и дневен ред, истите служат за потребите на Управниот одбор на ЗНМ и за подобро организирање на тековните активности со кои здружението раководи или има обврски да ги исполнува. Освен ова, записниците не се стенографски туку се куси и концизни и истите дополнително служат за евидентирање на текот на седниците на членовите на Управниот одбор“.[caption id="attachment_298836" align="alignnone" width="1992"] ЗНМ не го дава записникот од седницата на Управниот одбор[/caption]„Скопје1“ веќе објави дека ако се следи Статутот и Правилникот за членство на кој се повикува ЗНМ, Управниот одбор може да заседава за прием и престанок на членство, но не и за трансферирање. Здружението се повикува на член 10 кој објаснува во кој случај се суспендира членството. Овој случај предизвика револт кај новинарската фела.Испративме и покана до претседателот на ЗНМ, Младен Чадиковски за гостување во вонредно издание на поткастот „Претрес со Ландов“, но тој кажа дека не е во можност, како и дека објасниле опширно сѐ што имале.

Македонија | пред 1 година

Го избришаа ли Саше Димовски од ЗНМ додека беше на болничка постела: здружението тврди дека е лага, а се правда со член за супспензија од Правилник за членство

Новинарите се простија од колегата Саше Димовски. Но, дел од нив се шокирани и револтирани од односот на Управниот одбор на Здружението на новинари на Македонија (ЗНМ). Едните информации се дека Димовски бил исклучен од здружението додека бил во болница, додека од раководството на ЗНМ посочуваат дека тоа не е точно. Од здружението велат дека имало само трансферирање на членство од редовен во придружен член. За ваквата одлука наоѓаат оправданост поради ангажманот кој Димовски го доби кај претседателката на државата, во Комисијата за помилување. Прво велат дека консултирале адвокати, потоа дека заседавал Управниот одбор. Кога побаравме да ни достават изработена одлука, ни кажаа дека таква не постои. Не ни е пратен ниту дневниот ред за седницата од кој може да се увиди дали ова била специјална седница за Димовски или се разгледувале други точки. Иако од претседателот Младен Чадиковски побаравме датум на закажување на седницата, добивме само датум на одржување.Сепак, ако се следи Статутот и Правилникот за членство на кој се повикува ЗНМ, Управниот одбор може да заседава за прием и престанок на членство, но не и за трансферирање. Здружението се повикува на член 10 и велат: „Не станува збор за исклучување на членство како што имате наведено, туку за промена на статус во придружен член согласно член 10 од истиот правилник. Согласно член 10 од Правилникот за членство и членарина, со именувањето во Комисијата за помилување како постојано работно тело во служба на Претседателот, тој добива статус на придружен член на ЗНМ. Оваа одредба предвидува трансформација на членството“.Ако се провери правилникот може да се утврди дека членот е за суспензија на членството. Во него не се предвидува никакво трансферирање туку суспензија и се вели: „Членството се смета за суспендирано за време на и една година по завршувањето на извршувањето на функцијата Пратеник во Собранието на Република Македонија, Министер во влада, член на совет, градоначалник, судија, јавен обвинител, јавен правобранител, народен правобранител и други функции кои ги избира или именува Собранието на Република Северна Македонија, Владата на Република Северна Македонија или органите на локалната самоуправа...“.[caption id="attachment_298807" align="alignnone" width="657"] Членот 10 од Правилникот за членство на кој се повикува ЗНМ[/caption]Од ЗНМ го побаравме и записникот кој би требало да се води за време на седница на Управен одбор. Тој не ни е доставен и ни е посочено: „Пред да се утврди дневниот ред на наредната седница, се усвојува записникот од претходната седница и секој член може да стави забелешка и да бара измени или дополнувања. Ова значи дека записникот не се смета за формален до неговото усвојување на наредната седница на Управниот одбор“, па ја објаснуваат неговата форма и што содржи.„За прашањата што го уредуваат членството, согласно статутот на ЗНМ, Управниот одбор не носи одлуки туку констатира состојба. Во предвид беше земен и Законот за помилување како и објавената информација на веб страната на претседателот на РСМ што укажува дека станува збор за постојано работно тело во служба на претседателот на државата“, тврдат од ЗНМ.Оттука се отвори прашањето, кој и што му соопштил на Димовски за неговиот статус во ЗНМ, ако Управниот одбор нема таква надлежност туку само констатира. Прашавме и што претседателот на ЗНМ, Младен Чадиковски му соопштил на Димовски поврзано со членството, во петокот, на што не добивме конкретен одговор туку коментар за начинот на кој сме го поставиле прашањето.„На начинот на кој е поставено последното прашање, се создава перцепција дека некој имал намера да го вознемирува Димовски, а тоа е целосно неточно и погрешно особено поради тоа што негувавме пријателски и професионален однос со единствена цел, а тоа е градење на посветена новинарска заедница. Таков беше односот на сите тела и органи во ЗНМ вклучително и на УО и на Советот на честа“, посочуваат од ЗНМ.Доколку членството на Димовски било трансферирано од редовно во придружно, тогаш, тој не можел да биде избран во органите и телата на ЗНМ. Оттука, отворено остана и прашањето дали Димовски бил отстранет од функцијата претседател на Советот на честа додека бил во болничка постела.„Под придружно членство се подразбира членство во ЗНМ кое во однос на правата и обврските е изедначено со редовното членство, со исклучок на правото да избираат и да бидат избрани во органите и телата на ЗНМ и немаат право да одлучуваат за Статутот на ЗНМ“, стои во Правилникот.[caption id="attachment_298808" align="alignnone" width="722"] Услови за придружно членство[/caption]Од ЗНМ посочуваат дека Димовски не е прв член кој бил дел од Комисијата за помилување на кого му е трансфериран статусот во здружението. Посочуваат дека и во претходниот состав на Комисијата за помилување, кога новинар бил дел од неа, било постапено од нивна страна.Новинарката и главна и одговорна уредничка на „Телма“, Снежана Лупевска-Созен, простувајќи се со колегата Димовски, прва обзнани за потегот на ЗНМ преку јавен статус.„Вечна слава колега Саше! Беше борец и како човек и како новинар. Критичен и со остро перо. Почивај во мир. А колку што ме вознемири веста за неговата смрт ме вознемири и односот на Управниот Одбор на ЗНМ кој вчера најбезобразно му соопштил на Саше дека не е веќе член  на здружението (за 5 години) оти бил член на државна комисија за помилување во која и претходно членувал наш колега, но не беше избришан од списокот на ЗНМ. За мене раководството на  ЗНМ е збир на група луѓе со лични агенди и двојни аршини особено дрско кон новинарите како Саше кои немаат влакна на јазикот“, напиша Лупевска-Созен.Новинарката Емилија Мисерлиевски од „Телма“, која е дел од Советот на честа со кој раководеше Димовски, преку јавна објава сведочи за неговата вознемиреност во петокот, кога веќе бил примен во болница.„...Во ниеден момент не помислив дека разговорот во петокот ќе ни биде последен! Беше толку вознемирен! Ах, бе Саше! Ќе ми недостига твојата острумност, мудрост и бунтовност, нема друг во еснафот со таков порив да ги оправа работите во новинарството! Нека ти е вечна слава, другарче, остави силен печат во Советот на честа, колку тоа некому да пречеше!“, напиша Мисерлиевски.Погребот на Димовски беше извршен денеска. Тој почина на 47-годишна возраст по долги и тешки здравствени проблеми. Ја следеше работата во правосудниот систем и важеше за најдобар правник меѓу новинарите и пошироко.Саше Димовски работеше како новинар од 1996 година во телевизиите Сител, Канал 5 и ТВ 24 Вести. Работел во неделникот и дневниот весник „Фокус“ на позиција новинар и уредник. Соработувал со повеќе дневни и неделни изданија, локални и регионални тв медиуми. Основач е на граѓанската организација и онлајн медиумот СВЕДОК од 2015 година.

Македонија | пред 1 година

Новинарите во петок на протест

Самостојниот синдикат на новинари и медиумски работници и Здружението на новинари на Македонија ги повикуваат сите медиумски професионалци на протестен марш кој ќе се одржи во петок во 10 и 30 часот од пред зградата на Владата до Собранието на Република Северна Македонија.-На овој марш заеднички и сплотено ќе го изразиме нашето незадоволство од нападите врз новинарите, навредите и понижувањата од политичарите, нелојалната конкуренција, небезбедните услови во кои работат новинарите, лошата социо-економска состојба…На маршот, кој за членовите на ССНМ ќе поаѓа од пред канцеларијата на синдикатот, ќе бидат испратени пораки од претставници на ССНМ и ЗНМ, а ќе бидат доставени и следните барања до Владата и до Собранието:– Итно донесување на неопходните закони кои се важни за правата на новинарите и работата на медиумите и нивно доследно имплементирање– Јавните функционери и политичарите да ги почитуваат новинарите и снимателите– Крај на агресивниот државен пи-ар– Поддршка за локалните новинари и медиуми– Почитување на работничките права на новинарите и медиумските работници– Безбедни услови за работа на новинарите и медиумските работници, се вели во повикот од Самостојниот синдикат на новинари и медиумски работници и Здружението на новинари на Македонија.

Македонија | пред 2 години