(Видео) „Зошто сите толку се возбудивте, каде оди овој автобус?“: Актер снимил автобус за кој тврди дека превезува гласачи во Белград

Актерот Хаџи Ненад Маричиќ, кој е и набљудувач на денешните парламентарни избори во Србија, забележал автобуси на градскиот превоз кои превезувале гласачи во близина на Сава центар во Белград, објави „Kreni-promeni“.

— реклама —

На видеоснимката, која „Kreni-promeni“ ја сподели на социјалните мрежи, се слуша како Маричиќ неколкупати го прашува возачот каде се движи автобусот.

— реклама —

„Каде оди оваа линија? Можете ли да ми кажете каде оди овој автобус? Зошто сите толку се возбудивте, каде оди овој автобус? Чиј е овој автобус? Ова е автобус што му припаѓа на градот“, се слуша како вели актерот.

Возачот не му одговара на прашањата, но во еден момент кажува дека „координаторката е таму лево“.

— реклама —

Маричиќ потоа ја снима белградската регистарска табличка на автобусот, а потоа и патниците кои се наоѓаат внатре.

View this post on Instagram