12-годишно девојче застрелано во глава во масакрот во Канада, се бори за живот

Маја, 12-годишно девојче, кое беше застрелано во главата и вратот во масакрот во средно училиште во Тамблер Риџ, се бори за живот во болница, според објавата на нејзината мајка на страницата GoFundMe потврдена од Си-ен-ен.

— реклама —

Маја е сериозно повредена во пукањето во училиштето во вторник и е однесена во Детската болница во Ванкувер, каде што е на интензивна нега. Член на семејството започна кампања за собирање средства за помош.

— реклама —

Во масакрот во градот Тамблер Риџ, Канада девет лица, вклучувајќи го и осомничениот, беа пронајдени мртви, а 27 лица беа повредени.

„Денот започна како и секој друг“, напиша мајката Сиа Едмондс во објавата.

— реклама —

„А сега мојата 12-годишна ќерка се бори за живот додека лекарите се обидуваат да ја санираат штетата од прострелна рана во главата. И една во вратот. Ова воопшто не изгледа реално“, додаде таа. „Никогаш не помислив дека ќе барам молитви, но ве молам, молете се за моето дете.“

Во подоцнежна објава, мајката рече дека се држи до „зрак на надеж“. „Ни треба чудо“, додаде таа.