Во периодот од 10 до 16 август на територијата на Општина Центар биле отстранети 122 непрописно паркирани возила, соопшти ЈП „Паркинзи на Општина Центар“.
Возилата биле санкционирани и отстранети со помош на специјалните возила „Пајак“, бидејќи го попречувале нормалното и безбедното одвивање на сообраќајот.
Од ЈП ПОЦ посочуваат дека за долгорочно решавање на проблемот со сообраќајниот метеж и непрописното паркирање е потребно поголемо почитување на сообраќајните правила од страна на возачите.
Најавуваат дека и во наредниот период ќе продолжат со секојдневно отстранување на непрописно и несовесно паркираните возила во Општина Центар, со цел да се зголеми сообраќајната безбедност и свеста кај учесниците во сообраќајот.
