ЈП „Паркинзи на Општина Центар“ продолжува со унапредување на своето работење преку воведување меѓународно признати стандарди за квалитет и заштита на животната средина.
Претпријатието успешно го заврши процесот на сертификација за ISO 9001:2015 – Систем за управување со квалитет и ISO 14001:2015 – Систем за управување со животната средина. Сертификатите му беа врачени на директорот Душко Коцевски од претставник на сертификациското тело „Интерцерт“.
Коцевски истакна дека сертификатите не претставуваат само формално признание, туку воспоставување систем на работа со јасни процедури, мерливи резултати и континуирано подобрување.
ISO 9001:2015 е насочен кон подобрување на работните процеси, ефикасноста и квалитетот на услугите, додека ISO 14001:2015 се однесува на одговорното управување со ресурсите и намалувањето на влијанието врз животната средина.
Од ЈП ПОЦ посочуваат дека примената на овие стандарди е дел од заложбите за создавање современо и ефикасно јавно претпријатие и постојано подобрување на услугите за корисниците.
