ЈП „Паркинзи на Општина Центар“ во периодот од 13 до 20 септември отстрани 123 непрописно паркирани возила на територијата на општината.
Возилата, кои го попречувале нормалното и безбедно одвивање на сообраќајот, биле отстранети со специјалните возила „Пајак“.
Од претпријатието посочуваат дека продолжуваат со секојдневни контроли и отстранување на непрописно и несовесно паркираните автомобили, со цел да се подобри сообраќајната безбедност и да се подигне свеста кај возачите.
Од ЈП „Паркинзи на Општина Центар“ нагласуваат дека за долгорочно надминување на проблемот со неправилното паркирање и сообраќајниот метеж е потребна поголема сообраќајна култура.
