Пајак-службата во Центар отстрани 120 непрописно паркирани возила за една недела

Во периодот од 26 октомври до 1 ноември, ЈП „Паркинзи на Општина Центар“ отстранило 120 непрописно паркирани возила на територијата на Општина Центар во Скопје, кои го попречувале нормалното и безбедното одвивање на сообраќајот.

— реклама —

— реклама —

Како што информираат од претпријатието, возилата биле отстранети со специјалните возила „пајак“.

— реклама —

— реклама —

Од ПОЦ посочуваат дека за трајно надминување на проблемот со сообраќајниот метеж и неправилното паркирање е потребна поголема сообраќајна култура. Најавуваат дека и во наредниот период ќе продолжат со секојдневно отстранување на непрописно и несовесно паркираните автомобили, со цел да се зголеми сообраќајната свест и безбедноста.