22 пожари низ Македонија – активен само еден, гори Националниот парк „Јасен“

До утрово во 09:00 часот, на територијата на Република Македонија се регистрирани вкупно 22 пожари на отворен простор, соопшти Центарот за управување со кризи (ЦУК). Од нив, активен е само еден пожар.

— реклама —

Според информациите, активниот пожар е на подрачјето на општина Македонски Брод, во Националниот парк „Јасен“, каде гори мешана шума.

— реклама —

— реклама —

Изгаснати пожари се евидентирани во повеќе региони, меѓу кои Тетово, Струмица, Новаци, Велес, Гостивар, Карбинци, Битола, Прилеп, Куманово, Јегуновце, Сарај, Ранковце, Кичево, Валандово и Студеничани. Најчесто горела ниска вегетација, а на две локации е запалено ѓубре.

— реклама —

ЦУК апелира граѓаните да бидат крајно внимателни и да не палат оган на отворено, поради високите температури и ризикот од брзо ширење на пожарите.