„9 милиони евра инвестирaме во Вeлес во проекти за инфраструктура. Велес станува подобро место за живеење“, вели Николоски

Владата преку Министерството за транспорт инвестира околу девет милиони евра во инфраструктурниот развој на Општина Велес, соопшти вицепремиерот и министер за транспорт Александар Николоски при денешната работна посета на општината.

— реклама —

Заедно со премиерот Христијан Мицкоски и градоначалникот Марко Колев, Николоски изврши увид во повеќе проекти што се реализираат со финансиска поддршка од Владата и Министерството за транспорт.

— реклама —

Според Николоски, средствата се обезбедени преку Програмата за инфраструктурни проекти во општините и преку проект што се реализира со поддршка на Светска банка.

— реклама —

Тој информираше дека во моментов започнува реконструкцијата на две улици, додека една веќе е завршена. Во рамки на соработката со Светска банка, како што посочи, досега се реализирани три инфраструктурни проекти во вредност од околу половина милион евра, меѓу кои се улиците „8-ми Мај“, „Љубљанска“ и „Луј Пастер“. Дополнително, неодамна е завршена и зградата со социјални станови.

— реклама —

Николоски истакна дека Владата ќе продолжи со поддршката за Општина Велес и најави нови инвестиции и проекти во наредниот период, во соработка со локалната самоуправа и останатите надлежни институции.