(ВИДЕО) Гори зградата на парламентот во Кејптаун
Голем пожар избувна рано утринава во зградата на Парламентот во Кејптаун, Јужна Африка.
На видеото, како што јави Би-Би-Си, се гледа како облак од црн чад го исполнува небото, а од покривот на зградата излегува голем пламен.
Во пожарот нема повредени, изјави портпаролот на противпожарната служба на Кејптаун, Џермејн Карелси, пренесе АП.
Smoke billows from the roof of parliament in footage shot from Government Avenue in the company's Garden. Video: City of Cape Town pic.twitter.com/eAREWGMhQK
— David Chambers (@daveincapetown) January 2, 2022
Тој додаде дека во гаснењето на пожарот се вклучени повеќе од 35 пожарникари.
Причината за пожарот се уште не е утврдена.
Report of fire at #SouthAfrican #parliament in #capetown #BREAKING pic.twitter.com/LRBQQC0YVy
— Global.TV (@GlobalTelevsion) January 2, 2022
Пожарот избувнал на третиот кат од зградата во канцеларискиот простор, изјави член на градската управа на Кејп Таун, Жан-Пјер Смит, пренесе Ројтерс.
Според Би-Би-Си, пожарот избувнал неколку часа по погребот на надбискупот Дезмонд Туту во катедралата Свети Џорџ, во близина на парламентот, кој се одржа во саботата.
Портпаролот на градската служба изјави дека се запалил покривот на зградата, а гори и зградата на Народното собрание.
„Пожарот не е локализиран, а забележани се и пукнатини на ѕидовите на зградата“, додаде тој.
