Украина подготви закон: Работата на Московската патријаршија е забранета
Врховната рада на Украина регистрираше предлог-закон за забрана на Московската патријаршија во Украина.
Доколку нацрт-законот биде усвоен, целиот имот на Московската патријаршија и нејзиното раководство ќе биде национализиран во рок од 48 часа.
„Верските заедници можат да ја сменат потчинетоста во рок од 14 дена, а потоа им останува црковниот имот. Киевско-печерската, Почаевската и Свјатогорската лавра ќе станат сопственост на државата. Во однос на промената на подреденоста на црковните општини, Службата за безбедност на Украина ќе проучува дали тие соработувале со окупаторите. Одговорните ќе одговараат“, изјави пратеничката Ина Совсун.
Совсун спомна дека во текот на изминатиот месец, 28 црковни општини во различни региони на Украина се преселиле од Московската патријаршија во Православната црква на Украина.
Ги повикувам другите заедници и манастири да го следат примерот и да се обединат околу Киев, а не околу Москва“, напиша таа.
