Москва: Синодот на Руската православна црква го разреши владиката Иларион
Руската православна црква го смени вториот најмоќен епископ задолжен за надворешни работи и го испрати во Будимпешта, што е ненадејна одлука.
Оваа одлука укажува на несогласувања во врвот на Московската патријаршија поради војната во Украина.
Светиот синод, кој денеска заседаваше во манастирот Данилов од 13 век во Москва, го разреши митрополитот Иларион од функцијата началник на одделението за надворешни црковни односи на Московската патријаршија, јавува Ројтерс.
Синодот разговараше за автокефалната Украинска православна црква, која ја предизвикува Руската православна црква како водач меѓу црквите на словенските земји.
Иларион е сменет од функцијата шеф на странската служба, постојан член на Синодот и ректор на Московскиот институт за постдипломски студии Свети Кирил и Методиј.
