Ковчегот со телото на кралицата заминува од Балморал за Единбург
![Avatar](https://skopje1.mk/wp-content/uploads/2021/09/xd-80x80.jpg)
![](https://skopje1.mk/wp-content/uploads/2022/09/elizabet-2.jpeg)
Ковчегот со телото на покојната кралица Елизабета Втора денеска ќе биде преместен од замокот Балморал во Единбург.
Погребната кола полека ќе ги помине 280-те километри од Балморал до Единбург за луѓето да можат да и оддадат последна почит на кралицата.
Ковчегот ќе биде изваден од Балморал околу 11:00 часот и ќе помине низ шкотските градови Абердин, Данди и Перт, што ќе трае околу шест часа. Ковчегот ќе биде поставен во кралската резиденција Холирудхаус во Единбург, каде ќе остане до утре попладне, јави Би-Би-Си.
Во среда ковчегот ќе биде поставен во Вестминстерската сала, а погребот ќе се одржи на 19 септември.
Кралицата Елизабета почина на 8 септември во Балморал.
![](https://skopje1.mk/wp-content/uploads/2022/01/2222.png)