(ВИДЕО) Уапсен еден од 10-те најбарани бегалци на ФБИ
Шпанската полиција уапси еден од 10-те најбарани бегалци на ФБИ, кој со лажен идентитет престојувал во хотел во Мадрид.
Мајкл Џејмс Прат, државјанин на Нов Зеланд, беше осуден во САД на доживотен затвор за сексуална експлоатација и сексуален напад и создавање слики за сексуална злоупотреба на деца.
Полицијата тврди дека Прат бил вклучен во аудиовизуелно производство на снимки, регрутирање малолетни девојчиња и млади жени преку измама помеѓу 2012 и 2019 година. Тие веруваат дека заработил повеќе од 17 милиони долари од овие активности. Шпанските власти истакнаа дека само 57 криминалци на листата на најбарани на ФБИ биле уапсени надвор од јурисдикцијата на бирото, додавајќи дека ова е првпат да се случи во Шпанија.
Detenido en #Madrid un fugitivo neozelandés, incluido en la lista de los 10 más buscados del #FBI
Fue condenado a cadena perpetua en #EEUU por delitos de pornografía infantil, explotación sexual, agresión sexual y ganancias ilícitas, llegando a ganar +17 millones de dólares pic.twitter.com/E9uLKMaGw9
— Policía Nacional (@policia) December 23, 2022
Тој ги увери оштетените дека нема да го објави материјалот
Осомничениот маж објавувал огласи на интернет во САД и Канада, нудејќи работа „модел“, но всушност се работело за снимање порнографски содржини. Им плаќал на други жени да делуваат како „мамка“ и да ги убедат жртвите дека снимениот материјал нема да биде објавен на Интернет, пренесува Гардијан.
Жртвите понекогаш биле држени против нивна волја и присилувани на сексуални дејствија на кои тие претходно експресно одбивале согласност. Прат е во бегство од ноември 2019 година, кога по него беше издадена федерална потерница во Окружниот суд во Калифорнија. Во септември ФБИ го стави на листата на најбарани бегалци и понуди награда до 100.000 долари за информација што ќе доведе до негово апсење, пишува CBS.
