Збрзнете, зошто ќе нема: Златна бубамара на популарноста 27. пат, ќе се влегува и со стари пасоши и лични карти
Денеска, точно на пладне, ќе бидат пуштени во продажба билетите за најновото издание на Златна бубамара на популарноста, убедливо најпопуларната манифестација кај нас, која оваа година ќе се одржи на 22 февруари во СЦ „Борис Трајковски“.
Под мотото „Кој чека ќе дочека“, омилената манифестација ќе направи се што ветила во рамки на својот 27-ми мандат – сатирично ќе ја раскаже изминатата година и ќе ги донесе на иста сцена најпознатите уметници од Македонија и регионот.
Билетите ќе бидат пуштени во он-лајн продажба од 12 часот преку сервисите на https://www.karti.com.mk/. mk и https://mktickets.mk/ или во цвеќарницата „Розе Веро 2“.
Во време кога нема никаков ред – редно е да имаме ред и седиште на 27-та Златна бубамара на популарноста. Влезот ќе биде дозволен и за посетители со стари лични карти и пасоши, за кои ќе има организирано колективно фотографирање, делење образци и потписи.
Од организацијата на Златната Бубамара најавуваат незаборавен спектакл од 3 часа. Да се чекираме на бубамарскиот лет број 27.
