(Видео) „Ова е логор, хаос, се чека по четири часа“ – граѓаните на пунктот за документи револтирани и нервозни
![](https://skopje1.mk/wp-content/uploads/2024/01/Screenshot-2024-01-30-at-14.49.43.png)
Техничкиот министер за внатрешни работи, Панче Тошковски, на првиот работен ден беше во пунктот каде се вадат лични документи без термин. Затекна хаос, нервозни граѓани и поплаки.
„Денешниот работен ден го започнав со посета на пунктот за промена на лични документи без закажување во ПС „Пролет” каде лично од моја страна беше извршен увид во работата на пунктот со цел да се утврди фактичката состојба“, напиша Тошковски.
Граѓаните се жалат бидејќи нема ред, се чека по четири часа.
„Хаос е, со кое право се прави ова, како во логор“, вели граѓанка која чека ред.
Тошковски затекнал и дека не работат сите 12 места за фотографирање за лични документи.
„Недостасува кадар, преоптеретени се со работа“, му кажаа вработеин на Тошковски.
![](https://skopje1.mk/wp-content/uploads/2022/01/2222.png)