(Видео) Судар и експлозија: Загинаа 21 лице, 38 се повредени во страшна несреќа во Авганистан
Најмалку 21 лице загина, а 38 се повредени во страотен судар меѓу автобус и цистерна со вода во Авганистан, што резултираше со неверојатна експлозија.
Имено, како што пренесуваат медиумите, до несреќата дошло кога возачот на автобусот наводно изгубил контрола над возилото, пред да се судри со цистерна со гориво што наближувала, при што дошло до експлозија. Се наведува и дека во несреќата учествувал и мотоцикл.
Несреќата се случила на автопатот Кандахар-Херат, во областа Герешк во Хелманд, додека локалните медиуми потврдија дека меѓу повредените 11 се здобиле со тешки, а 27 полесни.
A traffic accident on the Herat-Kandahar highway has resulted in 21 fatalities and left 38 individuals injured, with 11 of them in critical condition.
The incident occurred on Sunday morning in the Yakhchal area of Grishk district, Helmand province. Local officials have explained… pic.twitter.com/5YtqVvn4KJ— Afghanistan Times (@AfghanistanTime) March 17, 2024
Автобусот патувал од градот Херат кон главниот град Кабул, кога инцидентот се случил во неделата во 4 часот наутро по локално време, соопшти провинциската влада.
„Во неделата наутро 21 лице загина, а 38 лица се повредени во судир на цистерна, мотоцикл и патнички автобус“ – објави портпаролот на гувернерот на Хелманд, Шер Мохамад Вахдат.
Според изворите, по судирот се запалил патничкиот автобус.
#VIDEO
A traffic incident today (March 17) in the Yakhchal area of Gereshk district in Helmand province of Afghanistan resulted in the loss of 21 lives and injuries to 11 others.#aamajnews pic.twitter.com/lYPfVxUVpQ— Aamaj News English (@aamajnews_EN) March 17, 2024
На фотографиите во локалните медиуми се гледа како цистерната гори на правливиот пат, додека остатоците од возилото се расфрлани на автопатот. Екипите за чистење беа на лице место и ги отстрануваа остатоците, според официјалните лица.
