Кејт Мидлтон повторно се огласи
![](https://skopje1.mk/wp-content/uploads/2024/03/kejt-midlton.jpg)
Принцот и принцезата од Велс, Вилијам и Кејт, биле трогнати од пораките што ги добиле откако Кејт објавила дека и е дијагностициран рак, изјави денеска портпаролот на палатата Кенсингтон.
Се додава дека се благодарни што јавноста го разбрала нивното барање за приватност. Кејт, принцезата од Велс, во петокот објави видео порака во кое посочи дека и бил дијагностициран рак додека била подложена на голема операција на абдоменот во клиника во Лондон на почетокот на оваа година.
Кејт последен пат беше видена на официјална кралска служба на Божиќ, кога со остатокот од семејството присуствуваше на црквата во Сандрингам. Во јануари таа беше примена во болница две недели и се очекуваше да закрепне неколку месеци.
Нејзиниот недостиг од јавни настапи ги подгреа гласините за нејзиното здравје, кои само се влошија кога таа објави семејна слика на Денот на мајката, каде што Кејт седеше опкружена со нејзините три деца. Откако беше откриено дека сликата е дигитално изменета, Кејт лично се извини за уредувањето на сликата, но оригиналната фотографија никогаш не беше објавена.
Таа и Вилијам потоа беа забележани во продавница на фарма во Виндзор, што предизвика чудни шпекулации дека таа е заменета со нејзин двојник.
Принцезата, сепак, нагласи дека е добро, дека секој ден е се посилна и се фокусира на работи кои ќе и помогнат да заздрави, барајќи приватност за да може нејзиното семејство да се справи со нејзината состојба.
„Се надеваме дека ќе разберете дека нам како семејство сега ни треба малку време, простор и приватност додека го завршувам третманот. Мојата работа секогаш ми носеше чувство на исполнетост и со нетрпение очекувам да се вратам кога ќе можам, но засега морам да се фокусирам на целосно закрепнување“, рече Кејт.
![](https://skopje1.mk/wp-content/uploads/2022/01/2222.png)