Едно лице загина, а пет се повредени во сообраќајна несреќа што се случила утрово во 5 и 45 часот на патот Подмолје-Струга, кај селото Мислешево.
Според информациите на охридската полиција, во несреќата учествувале автобус со охридски таблички и автомобил со струшки регистарски ознаки.
„На крстосницата кај селото Мислешево случена е сообраќајна незгода, во која едно лице го загуби животот, а пет други имаат телесни повредени. Сообраќајната незгода се случила помеѓу автобус со охридски регистарски ознаки и патнички автомобил со струшки регистарски ознаки, управуван од сега починатиот“, велат од СВР-Охрид.
Од таму додаваат дека се преземаат мерки за идентификација на починатиот.
