AERO Street Food Festival повторно во Аеродром: Пет дена храна, музика и урбана забава

Од 4 до 8 септември Општина Аеродром повторно ќе биде домаќин на AERO Street Food Festival, кој годинава го носи своето второ издание во уште поголем формат, со богата гастрономска понуда, македонска музика и содржини за посетители од сите генерации.

Понудата ќе вклучува бургери, такоси, гиро, суши и различни интернационални специјалитети, но и голем избор на десерти.

— реклама —

Фестивалот и оваа година става акцент на домашната музичка сцена, со програма составена исклучиво од македонски изведувачи.

— реклама —

На сцената ќе настапат South Park, Ringtones, Dopamine, Marbel, Acoustic Division со трибјут посветен на Владо Јаневски, Милан Серафимов, Александар Јорданов, „Јанко петел јаваше“, DJ Marko, DJ Vaso, DJ Rizinski, Fluere, DJ Guardian и DJ Ficho.

Фестивалот ќе заврши со настап на диџеите од Sure Shotz и специјален трибјут посветен на ДНК.

— реклама —

Организаторите најавуваат пет фестивалски вечери исполнети со музика во живо, DJ-сетови, нови вкусови и урбана атмосфера, со содржини наменети за семејства, млади и сите љубители на храната и музиката.

AERO Street Food Festival е поддржан од Општина Аеродром и Град Скопје, со цел збогатување на културната и забавната понуда во градот, како и промоција на домашната музичка и локалната гастрономска сцена.

Од 4 до 8 септември, Аеродром ќе биде место за дружење, добра храна и македонска музика, со второто издание на AERO Street Food Festival 2026.