До 14:00 часот денеска во државата се евидентирани вкупно три пожари на отворен простор, од кои два се сѐ уште активни, а еден е целосно изгаснат.
Според информациите од надлежните служби, активен е пожар во Општина Гази Баба, во близина на селото Трубарево, каде што огнот зафатил ниска вегетација и ниска шума.
„Вториот активен пожар е во Општина Липково, кај селото Опаје, каде што пламените јазици зафатиле ниска вегетација и површини под жито.
Во меѓувреме, целосно е изгаснат пожарот во Општина Велес, на улицата „Димко Најдов“, каде што претходно горела ниска вегетација.
Надлежните служби ја следат состојбата на терен и преземаат активности за ставање под контрола на активните пожари“, информираат од ЦУК.
