Аларм од американските нафтени компании: Веќе сме во глобална криза со гориво

Продолженото затворање на Ормускиот Теснец веќе почнува сериозно да се одразува врз глобалното снабдување со гориво, предупредуваат раководители на американски нафтени компании, пренесува „Волстрит журнал“.

— реклама —

Според нив, комерцијалните резерви на гориво ширум светот се намалуваат веќе повеќе од шест месеци, додека можностите за дополнително користење на стратешките резерви на сурова нафта се сè поограничени.

— реклама —

„Волстрит журнал“ наведува дека нафтените директори сега сметаат оти кризата со горивото веќе започнала, откако со месеци предупредувале дека долготрајниот прекин на сообраќајот низ Ормускиот Теснец неизбежно ќе доведе до сериозни последици.

— реклама —

Дополнителен удар врз снабдувањето претставува оштетувањето на нафтоводите во Саудиска Арабија минатата недела, поради што, според весникот, дневното производство е намалено за околу 2,5 милиони барели.

Во меѓувреме, вчера беше објавено дека супертанкерот „Ел Гала“ налетал на мина во Ормускиот Теснец. Експлозијата се случила додека бродот се обидувал да помине низ зона со ограничено движење во теснецот.