Аларм во Конго: Бројот на заболени од ебола надмина 1.300

Демократска Република Конго се соочува со нов бран на ебола, откако бројот на потврдени случаи на заразата достигна 1.307, соопштија властите во земјата.

— реклама —

Според официјалните податоци објавени доцна во понеделникот, од последиците на болеста досега починале 377 лица.

— реклама —

Случаи на ебола се регистрирани во три провинции – Итури, Северен Киву и Јужен Киву, пренесува агенцијата Ројтерс.

Генералниот директор на Светската здравствена организација, Тедрос Аданом Гебрејесус, изјави дека ризикот од понатамошно меѓународно ширење на болеста засега се оценува како низок.

— реклама —

Сепак, тој нагласи дека состојбата бара внимателно следење и континуирана будност, со оглед на сериозноста на заболувањето и можноста за негово понатамошно ширење.

— реклама —

Еболата е тешка и често смртоносна заразна болест, која се пренесува преку директен контакт со телесни течности на заразено лице или животно.