Американска десничарска активистка со порака до Србите: „Гласајте за Вучиќ или подгответе се земјата да ви биде запалена“

Американската десничарска активистка Валентина Гомез, која на социјалните мрежи ја следат околу 700.000 луѓе, испрати порака до граѓаните на Србија пред изборите закажани за 25 октомври, отворено поддржувајќи го претседателот Александар Вучиќ.

— реклама —

Во објава на Икс, Гомез ја спореди листата на студенти и блокадерите со екстремистичката организација Антифа во САД. Таа ги обвини за насилство, блокади и заплашување на граѓаните, а истовремено ги пофали политиките на Вучиќ.

— реклама —

„Србија ги одржува најважните избори на 25 октомври, а анархистичкото движење што се претставува како ’студентска листа‘ ја исполни земјата со насилство, блокади и тероризирање на сограѓаните. Ова е истото што Антифа го направи овде во Америка, но Александар Вучиќ се бори за интересите на Србија, со тоа што не воведе санкции против Русија, не ја признава лажната држава Косово и одржува одлични дипломатски односи со Европа, Русија и Соединетите Американски Држави“, истакна Гомез.

— реклама —

На крајот од обраќањето, американската активистка упати предупредување за можните последици доколку, како што ги нарече, анархистите дојдат на власт.

„Затоа, ова е мојата порака до народот на Србија: гласајте за Александар или бидете подготвени вашата земја да биде запалена од тие анархисти што се нарекуваат ’студентска листа‘. Бог да ве благослови“, порача Валентина Гомез.