Американска војска: Не придружуваме бродови низ Ормускиот теснец

Централната команда на американската војска (CENTCOM) ги демантираше медиумските извештаи дека американската морнарица повторно придружува комерцијални бродови низ Ормускиот теснец.

— реклама —

Во објава на социјалната мрежа Икс, CENTCOM ги отфрли тврдењата за обновување на иницијативата „Проект Слобода“ и порача дека американските сили во моментов не обезбедуваат придружба или помош за трговски пловила во тој стратешки поморски коридор.

— реклама —

Демантот следуваше откако „Волстрит џурнал“, повикувајќи се на американски воени претставници, објави дека американската морнарица придружувала грчки супертанкер кој превезувал два милиони барели сурова нафта низ теснецот покрај брегот на Оман.

— реклама —

Според извештајот, бродот бил задржан во регионот од почетокот на март, а сега плови кон Индија за испорака на товарот.

— реклама —

Иницијативата „Проект Слобода“, во рамки на која американските сили требаше да обезбедуваат придружба на бродови низ Ормускиот теснец, беше прекината претходно овој месец, само 36 часа по нејзиното активирање.