Американски сенатор: „Продолжете да ги убивате иранските лидери додека не исчезнат“

Републиканците во американскиот Сенат блокираа резолуција со која од претседателот Доналд Трамп ќе се бараше да добие одобрение од Конгресот за продолжување на воените операции против Иран.

— реклама —

Резолуцијата беше одбиена главно по партиска линија, а единствениот демократ што се спротивстави на мерката беше сенаторот Џон Фетерман од Пенсилванија.

— реклама —

Во телевизиско гостување, Фетерман ја поддржа ликвидацијата на иранското раководство.

„Да, само продолжете да ги убивате додека не исчезнат“, изјави тој, додавајќи дека целосно ја поддржува израелската намера да ги елиминира идните лидери на Иран.

— реклама —

Според него, таквите акции се оправдани сѐ додека Иран не избере раководство кое ќе се откаже од, како што рече, обидите за дестабилизација на регионот и уништување на Израел.

Се очекува и Претставничкиот дом на американскиот Конгрес подоцна денеска да гласа за слична мерка поврзана со воените операции против Иран.