Министерот за дигитална трансформација е дел од Владината делегација на Стратешкиот дијалог помеѓу Македонија и Соединетите Американски Држави во Вашингтон. Според Андоновски, ова претставува значаен чекор во унапредување на билатералната соработка, со посебен фокус на дигиталната трансформација и сајбер-безбедноста.
Во рамки на дијалогот, Андоновски ја предводи сесијата која ќе се однесува на дополнително зајакнување на партнерството во делот на сајбер-безбедноста, преку поддршка за развој на институционалните капацитети, проценка и унапредување на заштитата на критичната дигитална инфраструктура, како и понатамошна соработка со доверливи меѓународни партнери.
Според информациите од Стратешкиот дијалог, се предвидува продлабочена експертска и техничка соработка со релевантни американски институции, со цел унапредување на националните способности за превенција, детекција и одговор на сајбер-закани, како и поддршка во процесите на стратешко планирање и модернизација на безбедносните системи.
Андоновски изјави дека во рамки на партнерството се разгледуваат можности за поддршка во развој на напредни сајбер-капацитети и зајакнување на заштитата на клучните државни системи, преку обука, опрема и размена на експертиза.
"Оваа соработка е во целосна согласност со стратешките приоритети на Владата и Министерството за дигитална трансформација, вклучително и имплементацијата на Националната стратегија за сајбер-безбедност 2025–2028, како и усогласувањето со европските стандарди и директиви.", изјави Андоновски по сесијата.
Министерството за дигитална трансформација останува посветено на изградба на сигурна, отпорна и доверлива дигитална инфраструктура, како предуслов за ефикасни јавни услуги, заштита на институциите и зајакнување на довербата на граѓаните.
"Стратешкото партнерство со Соединетите Американски Држави претставува важен столб во унапредувањето на националната дигитална и сајбер-отпорност и силна поддршка за реформските процеси во оваа област.", заклучи Андоновски.
Андоновски од Стратешкиот дијалог со САД: Продлабочување на соработката во сајбер-безбедноста и дигиталната инфраструктура
објавено пред 2 часа -
Македонија
Министерот за дигитална трансформација Андоновски учествува во Стратешкиот дијалог Македонија–САД во Вашингтон, како чекор за продлабочување на билатералната соработка со фокус на дигитална трансформација и сајбер-безбедност. Тој ја предводи сесијата за зајакнување на партнерството во сајбер-безбедноста: развој на институционални капацитети, заштита на критична инфраструктура и соработка со доверливи партнери, преку обуки, опрема и размена на експертиза. Соработката е усогласена со Националната стратегија 2025–2028 и европските стандарди, со цел посигурна дигитална инфраструктура и поголема доверба на граѓаните.
Текстот е автоматски генериран со помош на вештачка интелигенција
Поврзани содржини
Андоновски: Со електронската архива чувањето на предмети во фиока заминува во историја
Македонија | пред 2 седмици
Андоновски: Наша заедничка одговорност е да создадеме средина во која технологијата ќе биде алатка за учење, креативност и развој, а не извор на ризици
Македонија | пред 1 месец
Порталот за електронски услуги со 290 отсто раст на издадени услуги
Македонија | пред 1 месец
Андоновски: Македонија прави системски чекори за употреба на ВИ во јавната администрација
Македонија | пред 1 месец
