Според податоците на агенцијата за истражување на јавното мислење „Медијан“, опозициската партија Тиса на Петер Маѓар би освоила 55,5 проценти од гласовите на изборите во Унгарија.
Владејачката партија Фидес на премиерот Виктор Орбан, според истата проценка, би добила 37,9 проценти од гласовите. Крајнодесното движење „Наша татковина“ (Mi Hazánk) се проценува дека би освоило околу 3,9 проценти.
Преведено во парламентарни мандати, овие резултати значат дека Тиса би била блиску до двотретинско мнозинство во парламентот, со проценка од 131 до 139 пратенички места, додека Фидес би освоил меѓу 59 и 67 места.
Унгарскиот парламент има вкупно 199 пратенички места.
Станува збор за проценки базирани на голем истражувачки примерок спроведен во последните три дена, а не за класична излезна анкета, при што се проектира распределба на мандати според расположението на гласачите.
