Коментари

Двете пораки од Димитров: Се креира Влада за да го реши спорот со Бугарија, Ковачевски е најподобен премиер за ДУИ за таа цел

Avatar
Објавено на

Отворената шлаканица која Никола Димитров ја залепи врз ДУИ, во јавноста се повеќе се толкува како предупредување дека новата Влада се креира со единствена цел по секоја цена да се реши прашањето со Бугарија. Меѓу другото, Димитров удри и врз мандатарот Димитар Ковачевски, особено порачувајќи му да не го чепка македонскиот јазик и идентитет. Ова се двете главни пораки кои пред заминувањето од државната функција ги испрати до македонската јавност.

Споменувајќи го Ковачевски за избран мандатар, наместо него кој имал поддршка од високи странски претставници, Димитров испрати и порака со која посочува дека лидерот на СДСМ е единствената прифатлива варијанта за ДУИ за премиер, со цел брзо решавање на отворените прашања со Бугарија. А тиеа пак, најбрзо се решаваат со прифаќање на сите нивни барања, за што Димитров посочи дека е најлошата варијанта, бидејќи Македонија ќе се откаже од сѐ што поседува. Ако се чита меѓу редови во делот каде Димитров вели дека Ковачевски не се разбира од надворешна политика, може да се дојде до истата порака.

За неговиот наследник на функцијата, Бојан Маричиќ не искоментира ништо, што е логично ако се има во предвид дека тие имаат пријателски релации. Владо Бучковски, пак, го опиша како личност која во последните месеци, кога се одвиваа клучните преговори, не се прашувал за ништо. Од сето ова, се доаѓа до заклучок дека единствен кој ќе одлучува за македонските национални прашања е Бујар Османи, за кого Димитров рече дека сака успех по секоја цена, па дури и македонскиот јазик и идентитет.

Реакции

Поврзани вести преку ознаки:
На почеток