ВИДЕО: Ова е победничкиот гол на Македонија во дуелот против Италија
Моментот кога македонскиот фудбалски репрезентативец Александар Трајковски го даде победничкиот гол во дуелот со Итлаија се коментира низ целиот свет. Голот беше даден во 90 минута, односно продолженијата. Публиката скандираше за поддршка, а македонската репрезентација го започна славењето на теренот.
O gol da Macedônia. Itália fora da Copa. História!
— Ericky Maier (@erickymaier) March 24, 2022
Италија во 30.минута ја имаше најдобрата шанса, а ја создаде Столе Димитриевски. Македонскиот голман сакаше да проигра во средината, топката стигна директно до Доменико Берарди, кој беше во супер можност, шутираше кон празниот гол, но Столе Димитриевски сепак успеа да спаси. Две минути подоцна Николо Барела се обиде од далечина, а во блокот шутираа и Чиро Имобиле и Лоренцо Инсиње.
Во 39.минута, Дарко Чурлинов украде топката од стоперите на Италија, тргна сам кон голот на Донарума, но не издржа во спринтот, па Флоренци го стигна и расчисти со лизгачки старт.
Во 45.минута, првата конкретна акција и од Македонија, Барди го проигра Трајковски, кој шутираше од 20 метри, но Донарума одбрани.
На почетокот на вториот дел, повторно напади од италијанскиот тим, се закани Берарди, еднаш беше непрецизен, а вториот пат Димитриевски одбрани.
Берарди во 64.минута имаше уште една убава можност, но во последен момент блокираше Алиоски во корнер.
Емерсон во 79.минута упати „бомба“ од 20 метри, но над голот на Македонија.
И потоа шок за Италија. Александар Трајковски во 95.минута погоди за 0-1. Од 25 метри упати „бомба“ и го совлада Донарума.
