Путин потпиша нов закон, руските војници во Украина ќе добијат статус на ветеран
Рускиот претседател Владимир Путин потпиша федерален закон со кој се обезбедува статус на ветеран за сите учесници во руската специјална операција во Украина.
Законот беше објавен на официјалниот интернет портал за руското законодавство.
Тоа ќе значи поголеми средства од федералниот буџет, кои според прелиминарните проценки на Министерството за одбрана на Руската Федерација, во текот на оваа година би изнесувале околу 5 милијарди рубљи (околу 45 милиони евра).
Помошта што би ја добиле бранителите би се однесувала на даноци, транспорт, земјиште, станбени мерки и социјална помош, како и плаќање на комунални такси.
Еден ден претходно, Путин го потпиша федералниот закон за кривична одговорност за ширење лажни вести и јавно дискредитирање на државните органи кои работат во странство. Максималната казна е 15 години затвор.
Предвидена е кривична одговорност за ширење лажни вести за структури како Руската национална гарда, амбасадите, Обвинителството и Министерството за вонредни состојби.
Претходно, аналогна беше одлуката за ширење непроверени информации за руските вооружени сили.
За прекршување на овој закон се предвидени следните казни: финансиска казна во опсег од 700.000-1.500.000 рубљи (околу 7.000 долари или околу 15.000 долари), како и затворска казна до три години.
