Вашингтон пост: САД е подготвена да го прошири опсегот на оружје што и го дава на Украина
Администрацијата на американскиот претседател Џозеф Бајден е подготвена драматично да го прошири опсегот на оружје што и го дава на Украина, пишува Вашингтон пост.
Весникот наведува, повикувајќи се на неколку американски претставници кои побарале анонимност, дека Пентагон сака да ги пренесе оклопните возила и друга софистицирана опрема на Хамви во Украина, додавајќи дека вредноста на новиот пакет воена помош за Украина може да биде 750 милиони долари.
Прелиминарните планови за помош на Киев вклучуваат хеликоптери Ми-17, хаубици, беспилотни летала за крајбрежна одбрана и заштитни одела во случај на хемиски, биолошки или нуклеарен напад, но се уште не е познато дали сите тие предмети ќе бидат во последниот пакет помош.
Портпаролот на Пентагон Џон Кирби одби да ги коментира наводите.
Неименуван американски безбедносен претставник изјави дека хеликоптери од руско производство нема да бидат вклучени во помошта за Киев, пишува Вашингтон пост.
Претходно Ројтерс објави дека САД ќе и испратат на Украина дополнителна помош во оружје во вредност од 750 милиони долари.
