Зеленски благодарен на САД за воената помош вредна 800 милиони долари
Украинскиот претседател Володимир Зеленски изрази искрена благодарност до Соединетите Држави за новиот пакет воена помош од 800 милиони долари.
Зеленски во своето секојдневно обраќање до нацијата синоќа рече дека е благодарен и за посетите на претседателите на Полска, Естонија, Литванија и Летонија.
„Овие лидери ни помагаат уште од првиот ден, оние кои не се колебаа да се откажат од оружјето, оние кои не се сомневаа дали треба да воведат санкции (на Русија)“, додаде Зеленски.
Во телефонскиот разговор со американскиот претседател Џозеф Бајден, Зеленски рече дека се зборува за нова испорака на оружје, уште поостри санкции против Русија и за напорите да се изведат пред лицето на правдата руските војници кои извршиле воени злосторства во Украина.
Тој исто така рече дека продолжува работата на чистење на десетици илјади неексплодирани гранати, мини и кабли кои Русите ги поставиле додека се повлекувале од северот на Украина.
