Актуелно

Какви последици ќе има инвазијата врз руската армија

Avatar
Објавено на

Руската војска е значително послаба од претходно поради инвазијата на Украина, објави британското Министерство за одбрана во најновиот извештај на военото разузнавање.

Буџетот за одбрана на Русија се удвои меѓу 2005 и 2018 година, со значителни инвестиции во технолошки напредни способности во воздухот, морето и копното. Но модернизацијата на опремата не и дозволи на Русија да доминира во војната со Украина, според Британците.

Неуспесите во стратешкото планирање, но и во спроведувањето на овие планови на терен, значат дека Русија не успеала да ја претвори својата нумеричка супериорност во одлучувачка предност на бојното поле, велат британските разузнавачи.

Руската војска сега е значително послаба, и материјално и концептуално, поради инвазијата на Украина, а нејзиното закрепнување ќе биде значително забавено со санкции, рекоа Британците, додавајќи дека тоа ќе има „траен ефект врз способноста на Русија да користи конвенционална војска сили“.

Поврзани вести преку ознаки:

Прочитајте и:

На почеток