Гувернерот на Луганск за бомбардираното училиште: Мали се шансите да најдеме преживеани
Од
Објавено на
Гувернерот на Луганск, Сергеј Хаидаи на новинарите им даде повеќе детали за бомбардирањето на училиштето во селото Билохоривка, во чиј подрум се криеја цивили.
„Авионската бомба директно го погоди училиштето. За жал, зградата беше целосно уништена. Бидејќи беше воздушна бомба, а не артилериска граната, кога се случи експлозијата, температурата беше огромна“, рече Хајдаи.
„Нашите служби за итни случаи ќе се обидат да ги расчистат урнатините што е можно поскоро, но шансите се уште да има преживеани се мали. Се надеваме на најдоброто. Можеби некој успеал да преживее“, рече Хаидаи.
Според локалните власти, околу 60 цивили остануваат под урнатините.
