Русија: Сè потсетува на најлошите периоди на руско-германските односи
Политиката на германските власти го загрозува процесот на историско помирување меѓу Русија и Германија по Големата патриотска војна и се заканува да го уништи, соопшти Министерството за надворешни работи на Руската Федерација.
„Како што можеме да видиме, германските власти неодамна преземаа сè поризични акции кои го поткопуваат процесот на историско помирување меѓу Русите и Германците по Големата патриотска војна. Зборовите и постапките на Берлин ги загрозуваат резултатите од напорите на Русија и Германија да го надминат непријателството и недоверба меѓу нашите народи“, се вели во соопштението по повод годишнината од нападот на нацистичка Германија врз Советскиот Сојуз, пренесува ТАСС.
Руското Министерство за надворешни работи потсетува дека промената на курсот на одбраната и надворешната политика на Германија, објавена од канцеларот Олаф Шолц во Бундестагот на 27 февруари 2022 година, претставува пресврт кон забрзана ремилитаризација и систематско воено зајакнување на Берлин во рамките на операциите на НАТО на Западните граници на Русија пропратен со закани од германското државно раководство до руското раководство“.
„Сè потсетува на најлошите периоди на руско-германските односи“, се вели во соопштението на МСП на Руската Федерација и исто така посочува дека Русија силно негативно реагира на снимките на кои се гледа германско оружје и воена опрема доставени до Киев, а запленети за време на специјална воена операција во Украина.
