Австралија ги менува правилата – Ќе може ли Ѓоковиќ да оди во Мелбурн
Австралиските власти одлучија да ги променат условите за влез во земјата, а новите правила ќе стапат на сила на 6 јули, пишува „Сиднеј морнинг хералд“.
Според нив, странските државјани нема да мора да го пријават својот вакцинален статус, со што се поништува една од мерките воведени за време на пандемијата на коронавирус.
Оваа вест ја потврди и австралискиот министер за здравство, Марк Батлер, кој најави промени во Законот за биосигурност на 6 јули.
Патниците сепак ќе мора да се придржуваат до мерките против Ковид, како носење маски.
Како што сега стојат работите, иако дотогаш има уште шест месеци, Новак Ѓоковиќ ќе може да настапи во Мелбурн.
Да потсетиме, откако во јануари годинава мораше да ја напушти таа земја, на Новак му беше забрането враќање, односно влез во Австралија на три години.
Но, изјавите на претставниците на тамошните власти беа повеќе „помирливи“ и во нив често се нагласуваше дека забраната може да се укине.
Според австралискиот закон, секој што е протеран од земјата три години по негативна одлука според член 133C(3) може да поднесе барање за изземање под „присилни“ или „сочувствителни“ околности.
