Лавров: САД и нивните сојузници ја користат храната во интерес на геополитичките авантури, тоа е неприфатливо и нехумано
![](https://skopje1.mk/wp-content/uploads/2022/03/Lavrov1.jpg)
Рускиот министер за надворешни работи Сергеј Лавров го изрази своето задоволство што САД и Европската унија, како што рече, престанале да „го попречуваат постигнувањето договор за храна“.
Коментирајќи ги договорите за укинување на ограничувањата за испорака на руски производи за извоз и за помошта на Русија за извоз на украинско жито потпишани во Истанбул, тој оцени дека фактот што САД и нивните сојузници „ја користат храната во интерес на геополитичките авантури е неприфатливо и нехумано“, пренесува РИА Новости.
Тој посочи дека потпишувањето на меморандумот Русија-ОН уште еднаш ја покажува „апсолутно вештачката природа на обидот на Западот да ја обвини Русија за проблемите со снабдувањето со жито на светските пазари”. Лавров вели дека благодарение на напорите на Русите делегација, беше можно договорот за извоз на украинско жито да го зачува својот неполитички карактер.
Лавров изјави и дека Русија ќе продолжи да остане верна на своите обврски во областа на обезбедувањето на безбедноста на храната.
– Очекуваме во наредниот период да се направат сите потребни напори за ефективно спроведување на овие договори – заклучи Лавров.
![](https://skopje1.mk/wp-content/uploads/2022/01/2222.png)