Ким Џонг-ун дозволи поставување на неколку жени на моќни позиции
Династијата Ким, основана во 1948 година од Ким Ил-сунг, владее веќе три генерации и ретко назначува жени на високи позиции.
Актуелниот севернокорејски лидер Ким Џонг-ун сепак дозволил поставување на неколку жени на моќни позиции, пишува Гардијан.
Најистакната е неговата сестра Ким Џо Јонг (34), која стана најважната личност во севернокорејскиот режим по нејзиниот брат.
Таа важеше за негов главен пропагандист, кој често го претставуваше на меѓународно ниво, пишува британскиот весник.
Оваа година, врховниот лидер ја именуваше Чое Сон-хуи (57), прва жена министер за надворешни работи во земјата.
Тој се појави и со Хјон Сонг-вол (44), поп ѕвезда за која се шпекулира дека била поранешна девојка на Ким, чиј бенд пее ода на нивниот лидер додека е во воена униформа, пишува Гардијан.
Во 2018 година, Ким и додели на својата сопруга Ри Сол титулата „почитувана прва дама“, што според аналитичарите е голем поттик за нејзиниот политички статус.
Американскиот портал NK News, кој критички известува за Северна Кореја, првпат забележа мистериозна жена во друштво на Ким Џонг-ун во Северна Кореја во февруари оваа година и оттогаш ја следи.
Се проценува дека има 30 или 40 години и се шпекулираше дека можеби е дури и еден од роднините на Ким, пишува Гардијан.
Се верува дека севернокорејскиот лидер има најмалку две полусестри, Ким Сол-Сонг и Ким Чун-сонг, и двете родени во 1970-тите.
NK News пишува дека Ким Сол-сонг, постарата полусестра, останала активна во раководството на партијата зад сцената. За Ким Чун-сонг се знае многу малку, додава Гардијан.
