Уапсен пензиониран генерал осомничен за исчезнување на 43 студенти во Мексико
Мексиканските власти го уапсија пензионираниот генерал Хозе Родригез под сомнение дека е вмешан во исчезнувањето на 43 студенти во 2014 година, соопштија денеска властите.
Родригез е највисокиот воен офицер уапсен досега во врска со случајот.
Официјални лица изјавија дека имало четири апсења меѓу поранешни воени офицери во врска со киднапирањето студенти во западниот град Игуала пред осум години. Родригез во тоа време бил командант на 27-от пешадиски баталјон.
Претходната влада објави дека киднапирањето го извршила корумпирана локална полиција во соработка со банда за шверц на дрога.
МВР кон крајот на август соопшти дека е утврдено дека шестмината исчезнати студенти му биле предадени на Родригез додека биле живи, а тој наредил да бидат убиени.
Владата, по истрагата, објави извештај во кој случајот се опишува како „државно злосторство“, истакнувајќи дека се вклучени локалните државни и федерални власти, вклучително и војската.
