САД воведоа нови санкции против Русија
Од
Објавено на
САД воведоа нови санкции против повеќе од 30 руски субјекти, соопшти денеска американското Министерство за финансии.
На санкционираната листа, меѓу другото, се и Сојузниот истражувачки институт за применета физика, Федералниот институт за спектроскопија и Институтот за физика „Лебедев“, кои и припаѓаат на Руската академија на науките.
Со новата одлука, САД забранија продажба или извоз на квантни компјутерски услуги на кое било лице во Руската Федерација, а санкциониран е и водачот на администрацијата во регионот Запорожје, контролиран од Русија.
Министерството за финансии наведува дека е подготвено да воведе санкции против националниот платен систем во Русија.
